गठबन्धनबारे कांग्रेसको निष्कर्ष- अन्तिम समयमा हुँदा मतदातासम्म सन्देश पुर्‍याउन कठिनाइ

स्थानीय निर्वाचन

नेपाल लाइभ सोमबार, जेठ ९, २०७९ १७:४९

काठमाडौं– नेपाली कांग्रेसले स्थानीय तहको निर्वाचनमा गठबन्धन गर्ने निर्णय अन्तिम समयमा हुँदा यसको सन्देश मतदातासम्म पुर्‍याउन कठिन भएको निष्कर्ष निकालेको छ। स्थानीय तह निर्वाचन २०७९ को समीक्षा गर्दै कांग्रेसले गठबन्धनका सम्बन्धमा यस्तो निष्कर्ष निकालेको हो।

प्रवक्ता एवम् स्थानीय तह निर्वाचन केन्द्रीय प्रचार प्रसार समिति संयोजक प्रकाशशरण महतले पत्रकार सम्मेलन गर्दै यस्तो बताएका हुन्।

पत्रकार सम्मेलनपछि जारी प्रेस वक्तव्यमा पाँच दलबीचमा भएको तालमेल समग्रमा सफल भएको जनाइएको छ।

प्रेस वक्तव्यमा भनिएको छ, ' गठबन्धनका सन्दर्भमा निर्णय अन्तिम समयमा हुँदा यसको सन्देश मतदातासमक्ष पुर्‍याउन भएको कठिनाइले केही समस्या आएता पनि समग्रमा स्थानीय तहको निर्वाचनमा पाँच दलबीचमा भएको तालमेल सफल भएको हाम्रो निष्कर्ष छ।'

कांग्रेसले आफूहरुको पक्षमा सन्तोषजनक नतिजा आएको निष्कर्ष समेत निकालेको छ। यद्यपि केही ठाँउमा अन्तरघात भएका कारण हानी भएको उसको बुझाइ छ।
'यो प्रवृत्ति नदोहोरिएको भए उल्लेख्य संख्या थप हुने कुरामा दुईमत थिएन,' कांग्रेसले भनेको छ, 'स्थानीय निर्वाचनको सबै परिणाम आइसकेपछि प्रत्येक गाउँ र नगरपालिकामा पार्टीका सदस्यहरुको भूमिकाको सम्बन्धमा पार्टीले व्यापक समीक्षा गर्दैछ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश