काठमाडौं–नवगायक तथा संगीतकार उमेश राउतको संगीत र उज्ज्वल हृदयको शब्दमा ‘तिम्रो तस्बिर’ बोलको गीत भिडियोसहित सार्वजनिक भएको छ।
लोकप्रिय गायक स्वरूपराज आचार्यको स्वरमा रहेको हृदयस्पर्शी गीत ‘उमेश राउत’ युट्युब च्यानलबाट सार्वजनिक गरिएको हो।
चोखो प्रेममा असत् प्रवृत्तिका व्यक्तिहरूको प्रवेशले निम्त्याएको समस्यालाई यस गीतमा प्रस्तुत गरिएको छ।
प्रेम अनि बिछोडको विषय भए पनि त्यसलाई फरक किसिमले प्रस्तुत गरेर नेपाली गीतका श्रोता र दर्शकलाई फरक किसिमको स्वाद प्रस्तुत गरेको बताउँछन् गीतकार उज्ज्वल बस्नेत ‘हृदय’।
नेपाली सांगीतिक क्षेत्रमा चर्चा बटुल्नुभन्दा पनि यस क्षेत्रलाई सुगम तथा फराकिलो बनाउँदै लैजानु आफ्नो प्रमुख उद्देश्य रहेको उनको भनाइ छ।
पाँच वर्षदेखि लाबोनी प्रमोदसँग संगीतको शिक्षा लिँदै आएका संगीतकार उमेश राउत यो गीतबाट निकै आशावादी छन्।
‘छोटो समयको लोकप्रियताभन्दा पनि आफ्नो रचना सदैव अमर रहोस् भन्ने उद्देश्यका साथ गीत तयार गरिएको हो, अहिले सीमित नयाँ पुस्ताहरू रातारात लोकप्रिय बन्ने उद्देश्यका कारण आफ्नो मौलिक संगीतलाई बिर्सिएर भाइरलको पछाडि दौडिएका छन् तर हामी त्यो बाटोमा छैनौँ’, उनले भने।
नेपाली गीत संगीतको आफ्नो छुट्टै पहिचान भएकाले त्यसमै रहेर अघि बढ्न चाहेको बताउँदै उनी भन्छन्, ‘त्यसकै फलस्वरूप तिम्रो तस्बिर आएको हो।’
चर्चित मात्र नभएर नेपाली संगीतमा छुट्टै उचाइ बनाउन सफल गायक स्वरुपराज आचार्य पनि नयाँ पुस्ताले यस्ता किसिमका संगीतमा रुचि राख्नु निकै सकारात्मक रुपमा लिन्छन्।
गीतका बारेमा बोल्दै उनले भनेका छन्, ‘नेपाली संगीतमा लोप हुँदै गएको रुपक तालको प्रयोग यस गीतको विशेष पहिचान हो, अझ अरेन्जमेन्टमा भएको एउटै गीतमा तीन वटा तालको प्रयोगले यस गीतको महत्व झनै बढेको छ ।’
कपनमा निर्माण गरिएको उक्त भिडियोमा गीता ढुंगाना र निराजन प्रधानको अभिनय देख्न सकिन्छ भने विशाल रेग्मी सानो भूमिकामा छन्। अहिलेका चर्चित निर्देशक अनुप चापागाईंले निर्देशन गरेको गीतको भिडियोसमेत उत्कृष्ट बनेको छ।
अकोस्टिक नेपाल रेकर्डिङ स्टुडियोमा रेकर्ड गरिएको ‘तिम्रो तस्बिर’ अजयसिंह कार्कीले रेकर्ड गरेका हुन् भने प्रकाश मिश्रले मिक्सिङ र मास्टरिङ गरेका हुन्।
लाबोनी प्रमोदको र्सगीत संयोजन रहेको गीतको भिडियोलाई बुद्ध थापाले खिचेका हुन् भने विकास दाहालले सम्पादन गरेका हुन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1745137918.png)
-1743318385.png)
