पद्मश्री पुरस्कारका लागि उत्कृष्ट पाँच पुस्तकको सूची सार्वजनिक

साहित्य डबली

नेपाल लाइभ आइतबार, साउन १५, २०७९ १०:५६

काठमाडौं– यस वर्षको पद्मश्री साहित्य पुरस्कारका लागि छानिएका उत्कृष्ट पाँच पुस्तकहरुको सूची सार्वजनिक भएको छ।

सार्वजनिक गरिएको सूचीमा डा. नवराज लम्सालको अग्नी, केशवराज ज्ञवालीको अर्को भोर, उषा हमालको भिक्षुसँग प्रेम, दिपक पराजुलीको मिथ्या र केवल बिनाबीको यादहरुको संग्रहालय रहेका छन्।

पाँच मध्ये उत्कृष्ट कृतिलाई पद्यश्री पुरस्कार दिइने खेमलाल हरिकला समाज कल्याण प्रतिष्ठानले जनाएको छ।

गत असार १५ गते २०७८ मा प्रकाशित भएर प्रतिष्ठानमा प्राप्त भएका कृतिहरुमध्येबाट १५ वटा कृतिको सूची सार्वजनिक गरिएको थियो। यी सूची खुला स्वतन्त्र निर्णायक समितिको सिफारिसमा सार्वजनिक गरिएको थियो।

हाल सार्वजनिक पाँच पुस्तकको सूचीबाट उत्कृष्ट कृति छानेर पुरस्कृत गरिनेछ। प्रतिष्ठानका अध्यक्ष जीवा लामिछानेले विज्ञप्तिमार्फत भनेका छन्, ‘तेस्रो र अन्तिम चरणमा यीनै पाँच कृतिहरुमध्येबाट पुरस्कृत कृति चयन गरिनेछ।’

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित