राप्रपा र रवीन्द्र मिश्र समूहबीच एकता घोषणा हुँदै

राजनीति

नेपाल लाइभ बुधबार, असोज १२, २०७९ ०९:५४

तस्बिर : रवीन्द्र मिश्रको ट्विटरबाट।

काठमाडौं– राष्ट्रिय प्रजातन्त्र पार्टी र रवीन्द्र मिश्र समूहबीच बुधबार एकता घोषणा हुने भएको छ।

राप्रपा र आफू नेतृत्वको बृहत् ध्रुवीकरण पक्षधर समूहबीच बुधबार दिउँसो १ बजे राष्ट्रिय सभागृहमा एकता घोषणा सभा हुने मिश्रले बताएका छन्।

राप्रपा प्रवेशका लागि मिश्रले सोमबार बेलुका विवेकशील साझा पार्टीको साधारण सदस्यबाट राजीनामा दिएका थिए।

विवेकशील साझा पार्टीमा विवादास्पद दस्तावेज पारित गरेर अघि बढेका मिश्रले स्थानीय तहको निर्वाचनमा पार्टीको कमजोर प्रदर्शनपछि अध्यक्षबाट राजीनामा दिएका थिए। त्यसयता उनी राजसंस्था पुनःस्थापनाको पक्षमा वकालत गरिरहेका छन्।

मिश्रलाई राप्रपामा उपाध्यक्षको जिम्मेवारी दिइने बताइएको छ। तर, उनको वरियता अन्य उपाध्यक्षको भन्दा माथि हुने पनि बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जेनेभामा स्वास्थ्य मन्त्री पाैडेलले भने- ‘वैदेशिक विकास सहायता कटौतीले नेपालको मातृशिशु स्वास्थ्यमा समस्या’

दुर्गा प्रसाईंलाई थप ४ दिन हिरासतमा राख्न अदालतको अनुमति

पशुपति क्षेत्र विकास कोषभित्र जुवा खेलिरहेका ७ जना पक्राउ