२०७२ महाभूकम्पः अझै टेको लगाएकै घरमा बस्छन् कतिपय काठमाडौंबासी

फिचर

नेपाल लाइभ मंगलबार, वैशाख १२, २०८० १६:२१

काठमाडौं- महाभूकम्प गएको ८ वर्ष पूरा भइसक्दासमेत भौतिक संरचनाको पुनःनिर्माण हुन नसक्दा नागरिकहरु जोखिम मोलेरै भत्किएका घरमा बस्न बाध्य छन्।

२०७२ साल वैशाख १२ गते शनिबार गएको भूकम्पबाट क्षति पुगेका काठमाडौंका अधिकांश भौतिक संरचनामा क्षति पुगे पनि घरधनी र लगायत सरकारी स्तरबाट पनि आवश्यक चासो नहुँदा आम नागरिक भने टेको लगाइएका संरचनामा नै व्यापार व्यवसाय र बसोबास गर्न बाध्य भएका हुन्।

काठमाडौंको बसन्तपुर, असन, न्युरोड लगायतका क्षेत्रमा अझैसम्म पनि भौतिक संरचनाहरु टेको लगाएर अड्याइएको छ। नागरिकहरु तिनै टेको लगाइएका संरचनामा व्यापार गरेर बसिरहेका छन्।

२०७२ वैशाख १२ गते शनिबार ११ बजेर ५६ मिनेटमा (आजकै दिन) गोरखाको बारपाक केन्द्रबिन्दु भएर ७ दशमलव आठ म्याग्निच्युटको भूकम्प गएको थियो। उक्त दिन र त्यसपछि आएका भूकम्पले ठूलो धनजनको क्षति भएको थियो।

काठमाडौं उपत्यकामा यसरी टेको लगाएका घरहरु धेरै छन्। तर यस्तो जोखिममा पनि मानिसहरु बस्न छोडेका छैनन्। भूकम्प गएको ८ वर्ष बितिसक्दा समेत घर नबनाइनु र काठमाडौं महानगरपालिकाले बेवास्ता गर्नु पनि यसको एक कारण हो।

यसरी जोखिमयुक्त घर हालसम्म किन बनाउनु भएन? भन्ने प्रश्नमा कति घरमुलीहरु बोल्न मानेनन् । कतिपय त आफैँ जोखिम मोलेर टेको लगाएको घरमा व्यापार गरिरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित