सुक्खा हिउँदले आफूहरूलाई मार परेको बिजुली उत्पादकहरूको गुनासो

पूर्वाधार

नेपाल लाइभ शुक्रबार, माघ ११, २०८१ २१:५६

काठमाडौं– पछिल्ला केही वर्षमा सुक्खा हिउँदको चिन्ता ऊर्जा क्षेत्रमा देखिन थालेको जलविद्युत् उद्यमीहरूले बताएका छन्।

स्वतन्त्र ऊर्जा उत्पादकहरूको संस्था, नेपाल (इप्पान) का वरिष्ठ उपाध्यक्ष मोहनकुमार डाँगीले पछिल्ला चार-पाँच वर्षमा हिउँदका बेला कुनै-कुनै आयोजनामा क्षमताको १० प्रतिशतभन्दा पनि कम उत्पादन हुने अवस्था देखा परिरहेको बताए।

"त्यो हामीहरूलाई उल्लेख्य असर पार्ने अवस्था हो," उनी भन्छन्।

सामान्यतः विद्युत् प्राधिकरणसँग हुने पीपीए (ऊर्जा खरिद सम्झौता)मा सुख्खा यामका बेला ३० प्रतिशत जति ऊर्जा आउनुपर्ने व्यवस्था गरिएको हुन्छ।

त्योभन्दा कम उत्पादन हुँदा उत्पादकहरूले जरिबाना नै तिर्नुपर्ने व्यवस्था रहेकोमा पछिल्लो उतारचढावका कारण त्यसमा परिवर्तन गर्न इप्पानले सरकारसँग माग गरेको छ।

"इप्पानले अहिले जलवायु परिवर्तनका कारण नदीमा पानी घट्ने र त्यसको जरिबाना हामीले किन तिर्नुपर्ने भन्दै त्यो व्यवस्था हटाउन माग गरिरहेको छ," डाँगी भन्छन्।

"मौसममा कहिलेकाहीँ हलचल हुँदा उत्पादन केही दिन तलमाथि पर्नुलाई स्वाभाविक मान्नुपर्छ। तर समग्रतामा त्यसमा सन्तुलन कायम भइरहेकै हुन्छ।"

तर हिउँदे सुख्खा अवधि लम्बिरहँदा समग्र प्रसारण प्रणालीमा कहिलेकाहीँ माघमै ३० प्रतिशतभन्दा कम विद्युत प्रवाह हुने अवस्था देखिन्छ। बीबीसी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नेपाली टोलीको युके भ्रमण : अभ्यास खेलमा भीम र दीपेन्द्रले हाने शतक

नदीमा पानीको प्रवाह कम हुँदा विद्युत् उत्पादनमा कमी

‘मधेसको भूमिमा हिरा छन्, पहिचान गर्न बाँकी छ’