सभामुखलाई भेट्न सिंहदरबार जाँदै रास्वपा सभापति लामिछाने

राजनीति

सभामुखलाई भेट्न सिंहदरबार जाँदै रास्वपा सभापति लामिछाने सांसद पद निलम्बनबारे छलफल गरिने

नेपाल लाइभ मंगलबार, चैत १९, २०८१ ०८:३६

काठमाडौँ –राष्ट्रिय स्वतन्त्र पार्टी (रास्वपा) का सभापति रवि लामिछानेले आज सभामुख देवराज घिमिरेलाई भेट्ने भएका छन् । रास्वपाका सांसद सहित लामिछाने आज (मंगलबार) बिहान १० बजे सिंहदरबारस्थित सभामुखको कार्यालयमा जाने भएका हुन् ।

कास्की जिल्ला अदालतमा सहकारी ठगी, संगठित अपराध र सम्पत्ति शुद्धीकरणको मुद्दा दर्ता भएपछि लामिछानेको सांसद पद पुस ७ गतेदेखि स्वतः निलम्बनमा परेको थियो ।

संघीय संसद सचिवालयले पुस ८ गते सूचना निकालेर लामिछानेको पद निलम्बनमा परेको उल्लेख गरेको थियो । रास्वपाले संसदको नियमावलीअनुसार आफ्नो सभापतिलाई सांसदबाट निलम्बन गर्न नमिल्ने दाबी गर्दै आइरहेको छ । सोही विषयमा रास्वपाले यसअघि पनि सभामुख घिमिरेलाई भेटेर ध्यानाकर्षण गराएका थिए ।

सहकारी अनियमितता प्रकरणमा अनुसन्धान जारी रहेकोले पछिल्लो समय लामिछाने राजनीतिमा सक्रिय थिएनन् । सोमबारबाट उनी सक्रिय राजनीतिमा फर्किएका छन् । सभामुखसँगको छलफलमा सांसद पद निलम्बनबारेमा कुराकानी गर्ने रास्पवाका मुख्य सचेतक सन्तोष परियारले जानकारी दिएका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राजावादीको आन्दोलनमा ज्यान गुमाउने सुरेश र सविनको परिवारलाई सरकारले १०/१० लाख रुपैयाँ दिने

नर्वेले युएसएड कटौतिबाट प्रभावित संस्थालाई सहयोग उपलब्ध गराउने

झोरमा बरामद २५ करोड विदेशी मुद्राको मालिक पहिचान