विश्वकै प्रदूषित शहरको सूचीमा पहिलो नम्बरमा काठमाडौं

समाचार

नेपाल लाइभ मंगलबार, चैत १९, २०८१ १०:५७

काठमाडौँ –आज पनि काठमाडौँ उपत्यका विश्वकै प्रदूषित शहरको सूचीमा पहिलो नम्बरमा आएको छ । पछिल्लो तीन दिनदेखि लगातार काठमाडौं विश्वकै प्रदूषित सूचीमा पहिलो नम्बरमा पर्दै आएको हो ।

स्विट्जरल्याण्डस्थित प्रदूषण मापन गर्ने संस्था ‘आइक्यु एअर’का अनुसार मंगलबार काठमाडौंको वायु गुणस्तर २४८ एक्युआइ मापन भएको छ । सामान्यतया शून्यदेखि ५० सम्मको एक्यूआईलाई सन्तोषजनक मानिन्छ । १५० भन्दा माथिलाई भने अस्वस्थकर मानिन्छ ।

एक्युआइ १५० देखि २०० हुँदा श्वास प्रश्वाससम्बन्धी समस्या भएका र पाका उमेरका मानिसलाई असर गर्ने विज्ञ बताउँछन् । २०१ देखि ३०० एक्युआइले सबै उमेर समूहका मानिसको स्वास्थ्यमा जोखिम बढाउँछ । अत्यधिक वायु प्रदूषणको प्रभावले मंगलबार पनि काठमाडौंको मौसम खुलेको छैन ।

तीव्र गतिको हावा र वर्षाको सम्भावना नरहँदा तत्काल प्रदूषण घट्ने सम्भावना नरहेको जल तथा मौसम विज्ञान विभागको मौसम पूर्वानुमान महाशाखाका मौसमविद् डेभिड ढकालले जानकारी दिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रेविका र दिनेशलाई झुक्किएर गोली लागेको प्रहरीको स्पष्टिकरण

राजावादीको आन्दोलनमा ज्यान गुमाउने सुरेश र सविनको परिवारलाई सरकारले १०/१० लाख रुपैयाँ दिने

नर्वेले युएसएड कटौतिबाट प्रभावित संस्थालाई सहयोग उपलब्ध गराउने