विभिन्न ३ वटा संसदीय समितिका बैठक बस्दै

राजनीति

नेपाल लाइभ शुक्रबार, चैत २२, २०८१ ०८:५२

काठमाडौं – सङ्घीय संसद अन्तर्गत आज विभिन्न ३ वटा संसदीय समितिका बैठक बस्दै छन् । संसदको राज्य व्यवस्था तथा सुशासन समितिले आज तीनकुने घटनामा जानकारी लिन गृहमन्त्री रमेश लेखकलाई बोलाएको छ । सांसदहरुको माग अनुसार आगामी बैठकमा तीनकुने घटनाबारे छलफल गर्न गृहमन्त्रीलाई बोलाइएको समितिले जनाएको छ । जुन बैठक बिहान ११ बजेको लागि बोलाइएको छ ।

सांसदहरुले तीनकुने घटनाको छानबिन गर्नका लागि सरकारले न्यायिक छानिवन समिति बनाउनुपर्ने बताउदै आएका छन् । तीनकुने घटनामा सरकारको पनि कमजोरी भएको उनीहरुको भनाइ छ ।

चैत १५ गते काठमाडौंको तीनकुनेमा राजावादीले हिंस्रक प्रदर्शन गरेका थिए । प्रदर्शनमा एक पत्रकारसहित दुई जनाको ज्यान गएको थियो । घाइतेहरूको उपचार जारी छ । प्रदर्शनकारीले निजी र सरकारी संरचनामा समेत क्षति पुर्याएका थिए ।

यस्तै, बिहान ११ बजे नै बस्ने अर्थ समितिको बैठकमा आगामी आर्थिक वर्षको बजेट सम्बन्धमा अर्थ मन्त्रालयसँग छलफल हुनेछ ।

त्यसैगरि, विधायन व्यवस्थापन समितिको बैठक पनि आजै बस्दै छ । दिउँसो १ बजे शुरु हुने बैठकमा पानीजहाज (सञ्चालन तथा व्यवस्थापन) विधेयक, २०८१ मा दफावार छलफल हुने सचिवालयले जानकारी दिएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अदालतको आदेशको सम्मान गर्दै अहिले नै गिरफ्तारी दिँदैछु, ममाथि ठूलो अन्याय भएको छ : रवि लामिछाने

५ रेक्टरमाथिका २ भूकम्प, केन्द्रविन्दु जाजरकाेट

सुप्रिम सहकारी प्रकरण : रविलाई थुनामा पठाउने उच्च अदालतको आदेश