प्रधानमन्त्री ओलीको प्रतिप्रश्न-‘भारतले कहाँ काँडेतार लगाएको छ र ?’

राजनीति

नेपाल लाइभ शनिबार, चैत २३, २०८१ १३:५८

काठमाडौँ – प्रधानमन्त्री केपी शर्मा ओलीले बाहिर हल्ला भएको जस्तो भारत र नेपालबिचको उच्चस्तरीय भ्रमण अवरुद्ध नभएको स्पष्ट पारेका छन्।

शनिबार थाइल्याण्ड भ्रमण सकेर त्रिभुवन विमानस्थलमा पत्रकारहरूसँग कुराकानी गर्दै उनले सो कुरा बताएका हुन्।

प्रधानमन्त्री ओलीलाई विमानस्थलमै सञ्चारकर्मीले ‘भारत भ्रमण अब सम्भव होला ?’ भनेर प्रश्न गरेका थिए।

उनले यसलाई असम्भव कुरा पहिला पनि नभएको र अहिले पनि नभएको बताए।

‘सम्भव असम्भव पनि होला र ? भारत भ्रमण असम्भव कुरा थियो र ? कतिपय कारणले नभ्याएको स्थिति थियो,’ प्रधानमन्त्री ओलीले भने।

उनले बाहिर भनेजस्तो भारतको भ्रमणकै विषयमा धेरै सोच्न नपर्ने बताए।

उनले भने, ‘भारत भ्रमण असम्भव कुरा थिएन। कतिपय कारणले हुन नपाएको मात्र हो। बाहिर हल्ला गरेजस्तो अवरुद्ध भयो भन्ने होइन। भारतले काँडेतार लगाएको छ र ?’

‘सगरमाथा संवादअघि दुई देशबिचको भ्रमण हुन्छ ?’ भन्ने प्रश्नमा प्रधानमन्त्री ओलीले भने, ‘वास्तवमा हामी नै अलिकति व्यस्त छौँ। सगरमाथा संवादलगायत कार्यक्रमहरू छन्। हाम्रै तर्फबाट भ्याऔँ र भारतसँग कुराकानी गर्‍यो भने हुनसक्छ।’

दुईपक्षीय, पारस्पारिक हितका विषयमा मोदीसँग व्यापक कुराकानी भएको प्रधानमन्त्री ओलीको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित