काठमाडौंमा बिहानैदेखि चट्याङ र मेघगर्जनसहित वर्षा

समाचार

नेपाल लाइभ बिहीबार, चैत २८, २०८१ ०५:४३

काठमाडौं– काठमाडौं उपत्यकामा आज बिहानैदेखि मेघगर्जनसहित पानी परिरहेको छ।

जल तथा मौसम विज्ञान विभागका अनुसार कोशी, बागमती र लुम्बिनी प्रदेशको एक-दुई स्थानमा मेघगर्जन र चट्याङ्गसहित वर्षा भैरहेको छ । साथै देशभर तुवाँलो लागेको अवस्था छ ।

महाशाखाका अनुसार हाल नेपालमा न्यूनचापीय प्रणाली, स्थानीय वायु र बंगालको खाडीबाट आएको जलवाष्पयुक्त वायुको प्रभाव छ। त्यसैले पूर्वदेखि सुदूरपश्चिमसम्मै वर्षा भएको छ।

अधिकांश ठाउँमा हल्कादेखि मध्यम खालको वर्षा भएको छ। तर मोरङको केराबारीमा गत २४ घण्टामा २५७ मिलिमिटर वर्षा भएको जल तथा मौसम विज्ञान विभागको रेकर्डमा देखिन्छ।

बझाङमा चट्याङ लागेर एक जनाको मृत्यु भएको छ भने पहिरो खसेर जयपृथ्वी राजमार्ग अवरुद्ध भएको छ।

मौसमविद झाले पर्सिदेखि मौसममा क्रमिक सुधार हुने बताए। आजको तुलनामा भोलि र भोलिको तुलनामा पर्सि कम पानी पर्ने उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिकार खेल्न गएका एक युवकको गोली लागेर मृत्यु, दश जना पक्राउ

आज विश्व सम्पदा दिवस मनाइँदै

विभिन्न तीन वटा संसदीय समितिका बैठक बस्दै