न्यूयोर्कस्थित हडसन नदीमा हेलिकप्टर दुर्घटना, ६ जनाको मृत्यु

विश्व

नेपाल लाइभ शुक्रबार, चैत २९, २०८१ ०७:०३

एजेन्सी –अमेरिकाको न्यूयोर्कस्थित हडसन नदीमा हेलिकप्टर दुर्घटनाग्रस्त हुँदा ६ जनाको मृत्यु भएको छ । मृत्यु हुनेमा तीन बालबालिकासहित ६ जना रहेका छन् ।

ज्यान गुमाउने पाँच स्पेनी नागरिक हुन् । उनीहरू एकै परिवारका सदस्य रहेको सञ्चारमाध्यमले जनाएको छ । पाइलटको पनि मृत्यु भएको न्यूयोर्क शहरका मेयर एरिक एडम्सले जानकारी दिए । सार्वजनिक भिडियो फुटेजमा हेलिकप्टर आकाशबाट उल्टो खसेको र हडसन नदीमा खसेको देखिन्छ ।

संघीय उड्डयन प्रशासन (एफएए) ले हेलिकप्टरको दुर्घटनाको अनुसन्धान राष्ट्रिय यातायात सुरक्षा बोर्डको नेतृत्वमा हुने बताएको छ । यसअघि २०१८ मा उक्त नदीमा पर्यटक सवार हेलिकप्टर दुर्घटना हुँदा पाँच जना यात्रुको मृत्यु भएको थियो । २००९ मा इटालियन पर्यटक बोकेको हेलिकप्टर हडसन नदीमाथि एक निजी विमानसँग ठोक्किएर नौ जनाको मृत्यु भएको थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यमनको इन्धन बन्दरगाहमा अमेरिकी आक्रमणमा परी ५८ जनाको मृत्यु

दर्ता नगरे फेसबुक लगायतका सामाजिक सञ्जालमाथि प्रतिबन्ध लगाइन्छ : मन्त्री गुरुङ

गभर्नरमा भट्टको योग्यता नपुग्ने भन्दै सर्वोच्चमा रिट दर्ता