वर्षाले प्रभावित बन्यो नेपाल र हङकङबीचको खेल

क्रिकेट

नेपाल लाइभ शनिबार, चैत ३०, २०८१ १२:५३

काठमाडौं – चार देश सम्मिलित टी–२० आई सिरिजअन्तर्गत नेपाल र घरेलु टिम हङकङबीचको खेल वर्षाले प्रभावित भएको छ । हङकङको मङककस्थित मिसन रोड ग्राउन्डमा नेपालले टस जितेर पहिला फिल्डिङ रोजेपछि घरेलु टोलीले अहिले ब्याटिङ गरिरहेको थियो ।

हङकङले ‌९ ओभरमा ३ विकेट गुमाएर ६८ रन बनाएको अवस्थामा पानी परेपछि अहिले खेल रोकिएको हो । हङकङका अंशुमान रथ १७, जिशान अली ३० र निजाकत खान ३ रनमा आउट भए ।

बाबर हयात र कल्हन चालुले समान १/१ रन बनाएको अवस्थामा खेल वर्षाका कारण रोकिएको हो । नेपालका लागि लतिल राजवंशीले २ तथा नन्दन यादवले १ विकेट लिएका छन् ।

जारी प्रतियोगितामा अपराजित नेपाल ह्याट्रिक जितको लक्ष्यमा छ । नेपाल दुई खेलबाट चार अंक जोड्दै तालिकाको दोस्रो स्थानमा छ । आज बिहान सम्पन्न खेलमा कुवेतले कतारलाई पराजित गरेपछि नेपाल दोस्रो स्थानमा झरेको हो । यसअघि नेपालले कतारलाई ८ र कुवेतलाई ६ विकेटले पराजित गरेको थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्य तोलामा १ लाख ८६ हजार पुग्यो, चाँदीको कति ?

असिनाले गहुँ र तरकारी बालीमा क्षति

तीन महिनादेखि प्रमुख प्रशासकीय अधिकृतविहीन