जम्मु कश्मीरमा आतंकवादी हमलामा मृत्यु भएका सुदीप बुटवलका, अर्का एक जना नेपाली पनि घाइते

प्रवास

नेपाल लाइभ बुधबार, वैशाख १०, २०८२ ११:१३

काठमाडौं – भारतको जम्मु कश्मीरको पहलगाममा आतङ्कवादी हमलाबाट मृत्यु भएका एक नेपालीको ठेगाना बुटवल रहेको खुलेको छ ।

मृत्यु हुनेमा नेपालका सुदीप न्यौपाने रुपन्देही जिल्ला बुटवल उपमहानगरपालिकाको बासिन्दा रहेको उल्लेख गरिएको छ । हमलामा परेर सुदीप सहित २६ जनाको ज्यान गएको थियो ।

त्यस्तै आतंकवादी हमलाबाट आक्रमणमा परी घाइते हुनेमा एक नेपाली पनि रहेकी छन् । घाइते हुनेमा नेपालकी रेनु पाण्डे पनि रहेको भारतीय सञ्चारमाध्यमले जनाएको छ ।

सञ्चारमाध्यमहरुले घाइते र मृतकको नाम सार्वजनिक गरेको लिस्टमा पाण्डेको नाम पनि उल्लेख रहेको छ । सञ्चारमाध्यमका अनुसार उनी घाइते भएकी छन् भने उनको अवस्था स्थिर रहेको छ ।

सैनिक पोशाकमा ५ जना बन्दुकधारीले पर्यटकीय क्षेत्रमा रमाइरहेका पर्यटकलाई उनीहरुको नाम र देश सोध्दै हिन्दू नाम भएका जतिलाई गोली हानेका थिए ।

नयाँ दिल्लीस्थित नेपाली दूतावासमा कार्यरत प्रहरी वरिष्ठ उपरीक्षक (एसएसपी) सञ्जिब शर्माका अनुसार हमलामा मृत्यु भएका सुदीपको घटनास्थलमा सवारी लाइसेन्स भेटिएको छ । उक्त लाइसेन्स भेटिएसँगै उनको पहिचान खुलेको हो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लगातार चौथो दिन पनि घट्यो सेयर बजार

नेपाली पुरुष फुटबल टिमले हङकङसँग मैत्रीपूर्ण खेल खेल्ने

‘महाभोज’को टिजरले प्रकाश पार्यो सहकारी ठगीको कथा