भारतसँग युद्ध हुनसक्ने पाकिस्तानी रक्षामन्त्रीको चेतावनी

विश्व

नेपाल लाइभ मंगलबार, वैशाख १६, २०८२ १८:५५

काठमाडौं– भारत र पाकिस्तानबीच तनाब बढिरहेको बेला पाकिस्तानी रक्षामन्त्री ख्वाजा मुहम्मद आसिफले भारतसँग युद्ध हुने खतरा भएको चेतावनी दिएका छन्।

भारतको जम्मू-कस्मिरस्थित पहलगाम क्षेत्रमा आतंकवादी समूहले २६ जनाको हत्या गरेपछि दुई देशबीचको सम्बन्ध बिग्रिएको छ। गत मंगलबार पहलगामको पर्यटकीय क्षेत्रमा हमला हुँदा बुटवलका सुदीप न्यौपानेसहित २६ जनाको मृत्यु भएको थियो।

यसरी तनाव बढिरहेको बेला रक्षामन्त्री आसिफले युद्ध हुने खतरा भएको चेतावनी दिएका हुन्। युद्ध हुने खतरा भए पनि त्यसलाई टार्न भने सकिने उनले बताएका छन्।

‘यदि केही भयो भने दुई वा तीन दिनमा हुनेछ। तत्काल खतरा छ,’ आसिफले पाकिस्तानी जियो न्यूजलाई भने।

चीन, साउदी अरब र अन्य खाडी राष्ट्रहरूले दुई देशबीच युद्ध रोक्न प्रयास गरिरहेका छन्। संयुक्त राष्ट्रसंघले पनि भारत र पाकिस्तानलाई संयमता अपनाउन अनुरोध गरिसकेको छ।

दुई देशबीच तनाव बढिरहेको बेला सीमा क्षेत्रमा बिहीबार राति दुई पक्षबीच गोली हानाहान समेत भएको थियो। यसैबीच कस्मिरको विवादित सीमा क्षेत्रमा भारतको एक जासुसी ड्रोन खसालेको पनि पाकिस्तानले दाबी गरेको छ।

सो मानव रहित ड्रोनले कस्मिरको कथित नियन्त्रण रेखा उल्लंघन गरेपछि खसालिएको भनेर पाकिस्तानको सरकारी टेलिभिजन च्यानलले रक्षा अधिकारीहरूको हवाला दिँदै मंगलबार जनाएको हो।

सीमा क्षेत्रमा निगरानीका लागि प्रयोग हुने साना ड्रोन दुबै पक्षले विगतमा पनि खसालेका छन्। यसपटक भने दुई आणविक हतियार सम्पन्न राष्ट्रहरूबीच सम्बन्धमा धेरै तनाव आएको बेलामा पाकिस्तानले ड्रोन खसालेको दाबी गरेको हो। भारतले भने यस बारेमा केही प्रतिक्रिया जनाएको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राउटे मुखिया सूर्य नारायण शाहीको निधन

क्यानडेली प्रधानमन्त्रीले भने, 'अमेरिकासामु झुक्दैनौं’

आन्दोलन र वार्ता सँगसँगै अघि बढाउने शिक्षक महासंघको निर्णय