बार निर्वाचन : प्रगतिशील अघिअघि, पछ्याउँदै लोकतान्त्रिक

नेपाल लाइभ

नेपाल लाइभ मंगलबार, चैत १९, २०७५ १३:४४

काठमाडौं– कानुन व्यवसायीहरुको छाता संगठन नेपाल बार एसोसिएसनको जारी मत गणनामा प्रगतिशील–वामपन्थी समूहले अग्रता कायमै राखेको छ।

मध्याह्न १२ बजेसम्मको मत परिणाम अनुसार प्रगतिशील–वामपन्थी समूहबाट अध्यक्षका उम्मेदवार बनेका चण्डेश्वर श्रेष्ठले २ सय ८८ मत प्राप्त गरेका छन्। उनलाई पछ्याउदै लोकतान्त्रिक समूहका सुनील पोखरेलले १ सय ९१ मत ल्याएका छन्।

महासचिवमा पनि अगाडि रहेका प्रगतिशील समूहका सुरेन्द्र थापाले ३ सय ३ मत प्राप्त गरेका छन्। लोकतान्त्रिक प्यानलबाट उनीसँग लीलामणि पौडेल प्रतिस्पर्धामा छन्।

हिजो भएको प्रारम्भिक मतगणनामा पनि प्रगतिशील पक्षले नै अग्रता हासिल गरेको थियो। मोरङ, इलाम र झापाको मतपेटिका गणनाको क्रममा प्रगतिशील समूहका अध्यक्ष पदका उम्मेदवार ७१ मत प्राप्त गरेका थिए भने प्रजातन्त्रवादी समूहका सुनिल पोखरेलले ३६ मतका साथ श्रेष्ठलाई पछ्याएका थिए।

झापा, मोरङ र इलामको मतगणना सकिँदा वामपन्थी समूहको प्रारम्भिक अग्रता कायम रहेको छ।

१० हजार ३ सय १३ मतदाता रहेको नेपाल बारको शनिबारमा भएको निर्वाचनमा ८ हजार ३ सय २९ मत खसेको थियो । उपत्यकाभित्र ४ हजार ४३ मत खसेको थियो। त्यसमध्ये प्रजातन्त्रवादी समूहको वर्चश्व रहेको सर्वोच्च बारमा ६ सय ४४ मत खसेको थियो ।

यसैगरी वामपन्थीहरुको वर्चश्व रहेको पाटन पुनरावेदन बारमा १ हजार ६८ मत खसेको थियो। काठमाडौं बारमा १ हजार ५ सय ८० मत खसेको छ।

तीनवर्षे नयाँ कार्यसमितिका लागि ६३ उम्मेदवार मैदानमा रहेका छन्। कार्यसमिति २५ सदस्यीय हुनेछ। अध्यक्ष पदमा ८ जना उम्मेदवार प्रतिस्पर्धामा रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

फिल्म ‘हेल्लो काँशीराम’ गीत ‘झ्यामी मादल झ्याम’सार्वजनिक, दिलीप र प्रियंकाले गरे वेलकम [भिडियोसहित]

जनताको कुरा उठाउँदा वास्ता नगर्ने हो भने सरकारबाट बाहिरिन्छौँ : गगन थापा

अब आउने बजेट युवामैत्री हुनेछ : शंकर पोखरेल