ओलम्पिक छनोटमा उत्कृष्ट खेल्ने प्रशिक्षक खड्काको विश्वास

स्पोर्टस लाइभ

नेपाल लाइभ मंगलबार, चैत १९, २०७५ १५:५१

काठमाडौं– सन् २०२० मा जापानमा हुने ओलम्पिक खेलकुदअन्तर्गत महिला फुटबलको छनोटको दोस्रो चरणमा उत्कृष्ट प्रदर्शन गर्ने नेपालका प्रशिक्षक हरि खड्काले बताए।

मंगलबार प्रिम्याच पत्रकार सम्मेलनमा खड्काले पहिलो चरण पार गरेर दोस्रो चरणमा आउदा टिमको मनोबल बढेको बताए। छनोटमा रहेका टिमबारे जानकार रहेको बताउँदै उत्कृष्ट खेल्ने उनको भनाइ छ।

म्यानमारमा हुने छनोटमा नेपाल, भारत, म्यानमार र इन्डोनेसिया समूह ‘ए’ मा छन् । नेपालले पहिलो खेल बुधबार नेपाली समयअनुसार साँझ सवा ५ बजे आयोजक म्यानमारसँग खेल्दैछ। नेपालले शनिबार मा भारत र मंगलबार इन्डोनेसियासँग खेल्नेछ।

यसअघि म्यानमारको राजधानी यांगुनमा गत नोभेम्बरमा भएको पहिलो चरणको छनोटमा पनि म्यानमार, नेपाल, भारत र बंगलादेश एउटै समूहमा थिए । तीनै खेल नेपालले १–१ को बराबरी खेलेको थियो। अंक तालिकामा भने नेपाल म्यानमार र भारतभन्दा पछाडि परेको थियो। यद्यपी नेपाल उत्कृष्ट तेस्रो टिमका रूपमा छनोटको दोस्रो चरणमा अवसर पाएको थियो।

भारतमा भएको हिरो गोल्डकपमा पनि नेपालले भारत र म्यानमारसँग भिडेको थियो। नेपालले भारतलाई २–१ ले हराउँदा म्यानमारसँग ३–० को हार बेहोरेको थियो। उपाधि भिडन्तमा नेपाल र म्यानमार भिडेका थिए। फाइनलमा भने नेपाल पराजित भएको थियो।

म्यानमारविरुद्धको पछिल्ला तीन खेलमा नेपालले २ मा हार र १ खेलमा बराबरी खेलेको छ। अझ उसकैको घरेलु मैदानमा भिड्दा नेपाललाई सहज हुने छैन। यद्यपी म्यामारकी पहिलो रोजाइकी गोलकिपर घाइते भएकी छिन्। म्यानमारका प्रशिक्षकले खेलाडीहरु राम्रो फर्ममा रहेको बताएका छन्। तर उनले मुख्य गोलकिपर घाइते भएको हुँद प्रतियोगिता नखेल्ने उनको भनाइ छ।

म्यानमारमा हुने छनोटमा समूह शीर्ष हुने टिम मात्र तेस्रो चरणमा पुग्नेछन्। तेस्रो चरणका लागि अस्ट्रेलिया, उत्तर कोरिया, दक्षिण कोरिया, चीन र थाइल्यान्ड छनोट भइसकेका छन्। दोस्रो चरणबाट छनोट भएका र सिधैं तेस्रो चरणमा पुगेका टिमलाई २ समूहमा विभाजन गरेछन्। समूहका शीर्ष २ टिमले जापान हुने ओपलम्पिक खेल्ने अवसर पाउनेछन्।

नेपाली टिम
गोलकिपर– अन्जना रानामगर, उषा नाथ, एन्जिला थुम्बापो सुब्बा
डिफेन्डर– हिराकुमारी भुजेल, गीता राना, पुनम जर्घामगर, अमृता जैशी, कविता धिमाल, पूजा राना, मनमाया लिम्बु
मिडफिल्डर– अनिता बस्नेत, दीपा राई, मन्जली कुमारी योन्जन, सर्मीला थापा, सरु लिम्बु, रेनुका नगरकोटी, अनिता केसी
फरवार्ड- रेखा पौडेल, निरु थापा (कप्तान), सावित्रा भण्डारी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जनताको कुरा उठाउँदा वास्ता नगर्ने हो भने सरकारबाट बाहिरिन्छौँ : गगन थापा

अब आउने बजेट युवामैत्री हुनेछ : शंकर पोखरेल

बालेनलक्षित सुनिताको टिप्पणी-सामाजिक सञ्जालमा भाँडभैलो गरेर उग्र बन्न एमालेले सिकाउँदैन