काठमाडौं- कोरोना भाइरस (कोभिड- १९) महामारीका कारण हाल विश्वका आधा मानिस घरभित्रै छन्। अधिकांश देशले लकडाउन घोषणा गरेका छन्। जसका कारण अत्यावश्यक बाहेकका सवारीसाधन गुडेका छैनन्।
सवारीसाधन नगुडाइ राख्नु सवारी स्वास्थ्यका हिसाबले राम्रो मानिदैन। विश्वभर अर्बौंको संख्यामा हरेका सवारीसाधन अहिले घर/ग्यारेजमा थन्किएका छन्। नेपालमा हालसम्म ३५ लाखभन्दा बढी सवारीसाधन दर्ता भएको यातायात व्यवस्था विभागकाे तथ्याङ्क छ। ती मध्ये १ लाखभन्दा कम सवारीसवारी साधनमात्र गुडेको अनुमान गरिएको छ। सीमित संख्यामा सरकारी सवारी, अस्पताल, सुरक्षा निकाय, केही सञ्चारगृह र मालबाहक सवारीसाधन मात्र सञ्चालन गर्न अनुमति दिइएको छ।
अन्य देशहरूमा पनि अत्यावशक सवारीमात्र गुडाउने अनुमति छ। भारतमा लकडाउनका कारण सवारीसाधन घर/ग्यारेजमै थन्निएकाले सवारी उत्पादक कम्पनीले कसरी सवारीलाई दुरूस्त राख्ने भन्ने टिप्स नै दिन थालेका छन्। कम्पनीहरूले कस्टमर हेल्पलाइनमार्फत् यस्तो सुविधा उपलब्ध गराएका हुन्।
सवारी उत्पादकले फेसबुक, ट्विटर, इन्स्टाग्राम तथा अन्य मोबाइल एप्लिकेसनमार्फत् लामो समयको लकडाउनमा सवारीलाई कसरी सुरक्षित राख्ने भनेर टिप्स सेयर गरिरहेका छन्।
भारतको सबैभन्दा ठूलो कार उत्पादक मारूती सुजुकीले नियमित रूपमा मेन्टेनेन्स टिप्स पठाइ रहेको जनाएको छ। महिनामा कम्तीमा एक पटक कारको इन्जिन १५ मिनेट स्टार्ट गरेर राख्ने, एसएचभिएस सवारीका लागि भने हेडलाइट बालेर महिनामा १ पटक ३० मिनेट इन्जिन स्टार्ट गरेर राख्न मारूती उपभोक्तालाई टेक्स्ट पठाएको छ।
सवारीको ब्याट्रीलाई दुरूस्त राख्न सवारी निश्चित पार्किङ भएको हो भने ह्यान्ड ब्रेकलाई इंगेज नगराउनु उपयुक्त हुन्छ। लामो समयसम्म सवारी नचलाइ राख्नु सवारी स्वास्थ्यका हिसाबले राम्रो मानिदैन। भारतमा २१ दिने लकडाउन जारी छ। संक्रमण बढे लकडाउन बढ्ने निश्चित प्रायः छ। नेपालमा पनि १ साताको लकडाउन सकिएर दोस्रो साताको जारी छ। अर्को एक साता पनि थपिने सम्भावना छ।
महिन्द्राले 'विथ यु हमेसा' वेबसाइटमार्फत् उपभोक्तालाई टिप्स उपलब्ध गराउँदै आएको छ।
त्यस्तै गरी हुन्डाईले इमर्जेन्सी रोड सर्भिसका लागि १ हजारभन्दा बढी डोरस्टेप सेवा उपलब्ध गराएको छ। कार उत्पादकले मात्र नभइ दुईपाङ्ग्रे सवारी उत्पादकले समेत यस्तो सेवा उपलब्ध गराउँदै आएका छन्।
टिभिएस, यामाहालगायत कम्पनीले ट्विट ह्यान्डलबाट मोटरसाइकल कसरी पार्किङ गर्नेदेखि लकडाउनको अवधिभर सातामा दुई पटक इन्जिन स्टार्ट गर्न आफ्ना उपभोक्तालाई आग्रह गरेका छन्। टायर उत्पादकले समेत कसरी सुरक्षित गर्ने भनेर ग्राफिक्स सहित जानकारी प्रवाह गरिरहेका छन्।
त्यस्तै सवारी विज्ञ तथा इन्जिनियरहरूले समेत विभिन्न माध्यमबाट लकडाउनमा सवारीलाई कसरी सुरक्षित गर्ने भनेर जानकारीहरू प्रवाह गरिरहेका छन्।
कारका लागि गर्नुपर्ने काम
पार्किङ गरिएको कारलाई यो बेला हेरचाहको आवश्यकता हुन्छ। तपाईंले यो बेला यी पाँच टिप्स फलो गर्नुभयो भने लकडाउनपछि तपाईंको कार स्टार्ट गर्न कुनै समस्या आउँदैन।
एक्सटेरियर सफा राख्नुहोस्ः एकैठाँउमा लामो समयसम्म गाडी राख्दा धुलोका कारण फोहोर हुन्छ। गाडीमै धुलो जम्न सक्छ। यसलाई पछि सफा गर्दा समय खर्च हुन्छ। कहिले काहीँ त कारमा सँधैका लागि दाग, धब्बासमेत रहन सक्छ।
यस्तो बेला एक सातामा कम्तीमा पनि एक पटक पानीले सफा गर्नुपर्छ र घाममा सुकाउनुपर्छ। यदी तपाईंले कार इन्डोरमा पार्क गर्नुभयो र कभरले ढाकी दिनुभयो भने राम्रो हुन्छ।
इन्टेरियर सफा राख्नुहोस्ः जो मानिस कार दिनुहुँ प्रयोग गर्छन्, उनीहरुले गाडीको स्टोरेज स्पेसमा केही अतिरिक्त सामान स्टोर गर्छन्। यदी तपाईंले पनि कहिलै स्न्याक्स वा कुनै लिक्विड आइटम स्टोर गर्नुभएको छ भने त्यसलाई निकालेर क्वाविन सफा गर्नुहोस्।
किन कि लामो समयसम्म ती सामान गाडीमै रहँदा खराब हुन्छ। लामो समयसम्म गाडीको इन्टेरियर सफा वा सुरक्षित राख्नका लागि तपाईंले किटनासक स्प्रेको उपयोगसमेत गर्न सक्नुहुन्छ।
ब्याट्री मेन्टिनेन्सः यदी कार धेरै दिनदेखि स्टार्ट भएन भने ब्याट्री डिस्चार्ज हुन्छ। यस्तो बेला ब्याट्रीलाई चार्ज गर्नका लागि हरेक दुई–तीन दिनमा कार स्टार्ट गरेर १५–२० मिनेटसम्म छोडिदिनुहोस् र इन्जिन तात्न दिनुहोस्। त्यो समयमा कारको वाइपर, एसी, लाइट आदिको जाँचसमेत गर्नुहोस्।
ह्यान्ड ब्रेक र पार्किङ ब्रेकः यदि तपाईंलाई लामो समयसम्म कार पार्किङ हुन्छ भनेर थाहा छ भने कारमा ह्यान्ड ब्रेक लगाएर नराख्नुहोस्। लामो समयसम्म ह्यान्ड ब्रेक लागिरहँदा कारको ब्रेक खराब हुन स्क्छ वा ब्रेक लकसमेत हुन सक्छ।
कारलाई प्लेन सरफेसमा एक नम्बर गियर लगाएर राख्न सकिन्छ। यदी कार कुनै स्लोपी ठाँउमा छ भने यसको टायर मुनी इटा वा कुनै चोक ब्लक लगाउन सकिन्छ।
टायर प्रेसरः यदि तपाईं गाडीको प्रयोग गर्नुहोस् वा नगर्नुहोस्। केही समयपछि गाडीको टायरमा हावा कम हुन्छ। यस्तो अवस्थामा लामो समयसम्म कार एकै ठाँउमा रहँदा टायरमा एकातर्फ फ्लाट स्र्पोट हुने सम्भावना बढ्छ। जसको सिधा असर टायरको ग्रिप/कारको राइड क्वालिटी र माइलेजमा पर्छ।
यस्तो बेला तपाईं केही दिनको अन्तरालमा गाडीलाई धेरै अघिपछि गर्दै रहनुहोस्, जसले टायर घुम्न सकोस्। साथै यो पनि ध्यान राख्नुहोस् कि टायरमा सँधै हावाको प्रेसर सही रहोस्। हावा कम हुँदा पम्पबाट टायरमा हावासमेत भर्नुहोस्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
