ल्यानसिंग-लकडाउन खाेल्न माग गर्दै अमेरिकाकाे मिसिगन राज्यमा प्रदर्शन गरिएकाे छ। बन्दुक बोकेका केही प्रदर्शनकारीहरू बिहीबार राज्यको मुख्य सरकारी कार्यालय भवनमा प्रवेश गरी लकडाउन हटाउन गभर्नरसमक्ष माग गरेका हुन्। उपस्थित कतिपयले बुलेटप्रुफ भेष्टसमेत लगाएका थिए।
सरकारी भवनको लबीमा प्रवेश गरेका दर्जनौं प्रदर्शनकारीले हाउस चेम्बरभित्र प्रवेश गर्न पाउनुपर्ने भन्दै नारा जुलुस गरेका थिए।
मास्क लगाएका राज्य प्रहरीले उनीहरुलाई भित्र प्रवेश गर्न रोकेका थिए। तर प्रदर्शनकारी कसैले पनि मास्क लगाएका थिएनन्।
‘राइफल बोकेका मान्छेहरू मेरै छेउमा आइपुगे,’ सिनेटर डायना पोलेहान्कीले ट्वीटमा भनेका छन्। ट्वीटमा उनले सार्वजनिक गरेको तस्वीरमा चार जना पुरुष देखाइएको छ‚ जसमध्ये कम्तिमा एक जनासँग हतियार रहेको छ।
प्लेकार्डसहित संसद भवनबाहिर भेला भएका धेरै प्रदर्शनकारीले गभर्नर ग्रेचेन ह्विटमरको तुलना एडोल्फ हिटलरसँग गरेका थिए।
'अमेरिकी प्याट्रियट जुलुस' भनिएको उक्त प्रदर्शनलाई मिसिगन युनाइटेड लिबर्टी भन्ने समूहले आयोजना गरेको थियो। यो समूहमा ८ हजार ८ सयभन्दा बढी व्यक्ति सदस्य रहेका छन्।
यसै महिना लकडाउन हटाउन गरिएको यो दोस्रो प्रदर्शन हो। जोन्स हप्किन्स विश्वविद्यालयका अनुसार कोरोना भाइरसका कारण मिसिगन राज्यमा मात्र तीन हजार ५ सयभन्दा बढी व्यक्तिको मृत्यु भएको छ।
गत अप्रिल १६ मा पनि करीब तीन हजार व्यक्तिले ल्यानसिंगमा प्रदर्शन गरेका थिए। प्रदर्शनका कारण राजधानीमा केही समय ट्राफिक जाम भएको थियो।
एक दिनपछि राष्ट्रपति डोनाल्ड ट्रम्पले प्रदर्शनकारीको समर्थन गर्दै ‘लिबरेट मिसिगन' अर्थात् मिसिगनलाई मुक्त गरौं’ भन्दै ट्वीट गरेका थिए।
गभर्नर ह्विटमरले सिएनएनलाई प्रदर्शनकारी ‘रिसाउनु ठीक छ’ भन्दै प्रतिक्रिया दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749953645.jpg)
-1749801778.jpg)
-1749797959.png)
-1749826086.png)
