जनमत र संघर्षबाट सरकारले नयाँ नक्सा जारी गर्न बाध्य भयो : विप्लव

राजनीति

नेपाल लाइभ आइतबार, जेठ ३२, २०७७ १४:०१

काठमाडौं- नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ ले जनमत र संघर्षको दबाबमा परेर सरकारले नेपालको कालापानी, लिपुलेक र लिम्पियाधुरा क्षेत्रलाई समेटेर नयाँ नक्सा जारी गरेको बताएका छन्।

नयाँ भूभागलाई समेटेर निशान छापमा भएको नक्सा संशोधन गर्नका लागि संविधान संशोधन गर्न सफल भएको भन्दै घुमाउरो शब्दमा सरकारको समर्थ पनि विप्लवले गरेका छन्।

आइतबार एक विज्ञप्ति प्रकाशित गर्दै विप्लवले संविधान संशोधन गरेर नयाँ नक्सा जारी गर्नु देशको हितका लागि एक कदम भए पनि ठीक भएको बताएका छन्।

भारतले नेपालको कालापानी,लिपुलेक र लिम्पियाधुरा लगायत क्षेत्र विगत ५८ वर्षदेखि कब्जामा लिएको बताउँदै विप्लवले त्यसका विरुद्ध देशभक्त जनता, बुद्धिजीवी, विज्ञ र क्रन्तिकारी शक्तिको निरन्तर संघर्षले सफलता पाएको बताए।

नक्सा जारी गरेर जनतालाई मत्थर पार्ने कार्यमा मात्रै सिमित नगरी राजनीतिक तथा कूटनीतिक माध्यमबाट संवाद गरी भारतीय सुरक्षाकर्मी हटाउनुपर्ने विज्ञप्तिमा उल्लेख छ।

भारतले कब्जा गरेको भूमि नेपालको स्वामित्वमा लिन विप्लवले आग्रह गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हार्वर्ड विश्वविद्यालयमा विदेशी विद्यार्थीको भर्ना रोक्न राष्ट्रपति ट्रम्प प्रशासनको आदेश

विवादास्पद अभिव्यक्ति पछि बाबुराम भट्टराई सहभागी कार्यक्रममा लफडा

रवि लामिछानेको रिट निवेदनमा आज पनि सुनुवाइ हुने