अटो लोनको सीमा यथावत

अटो

नेपाल लाइभ शुक्रबार, साउन २, २०७७ १७:०९

काठमाडौं-नेपाल राष्ट्र बैंकले शुक्रबार सार्वजनिक गरेको आर्थिक वर्ष २०७७/७८को मौद्रिक नीतिले अटो लोनको सीमामा कुनै फेरबदल गरेन। अटोमोबाइल व्यवसायीहरुले अटो लोनको सीमा बढाउनु पर्ने माग राख्दै आएका थिए। हाल कायम रहेको ५० प्रतिशत डाउनपेमेन्टको व्यवस्थालाई नै नयाँ मौद्रिक नीतिले निरन्तरता दिएको छ।

दुई वर्षअघि ३५ प्रतिशत डाउनपेमेन्ट गरे पुग्ने व्यवस्थालाई आव २०७६/७७ को मौद्रिक नीतिले ५० प्रतिशत बनाएकाे थियाे। चालू आवको मौद्रिक नीतिले यसमा कुनै परिमार्जन नगरि पुरानै व्यवस्थालाई निरन्तरता दिएको हो।

हाल गाडी खरिद गर्नेले मूल्यको ५० प्रतिशत रकम तिरेर बाँकी रकम बैंक तथा वित्तिय संस्थाबाट कर्जा लिन सक्ने व्यवस्था छ। गाडी बिक्रेता कम्पनीहरुले डाउनपेमेन्टमा अस्वस्थ प्रतिस्पर्धा गर्न थालेसँगै राष्ट्र बैंकमा केही व्यवसायीले गुनासोसमेत गर्दै आएका थिए। तथापि मौद्रिक नीतिमा अटो लोनको विषयमा कुनै परिमार्जन भएन।

अटोमोबाइल व्यवसायीहरुले ८० प्रतिशत फाइनान्स सुविधा हुनुपर्ने माग राख्दै आएका थिए। मौद्रिक नीतिले यस विषयलाई सम्बोधन नगरेपछि व्यवसायी निरास बनेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कालीकोटमा ट्याक्टर दुर्घटनाः चालकसहित चार जनाको मृत्यु

धवलशमशेर राणा हाजिर जमानीमा रिहा, उपचारकाे लागि भारत जाँदै

पाथीभरा जाँदै गरेको गाडीमा करेन्ट लाग्यो, चारजनाको मृत्यु, दुई गम्भीर