भदौ १ गतेदेखि लामो दूरीका बस पनि चलाउन पाइने

कोरोना अपडेट

नेपाल लाइभ मंगलबार, साउन ६, २०७७ १९:५७

काठमाडौं- सरकारले भदौ १ गतेबाट लामो दूरीका यात्रुबाहक सवारी साधन चलाउन अनुमति दिने निर्णय गरेको छ। साउन ५ गते बसेको मन्त्रिपरिषद् बैठकले यस्तो निर्णय गरेको मंगलबार सरकारका प्रवक्ता अर्थमन्त्री तथा सञ्चार तथा सूचना प्रविधि मन्त्री डा युवराज खतिवडाले जानकारी गराएका हुन्।

सरकारले कोरोना भाइरसको संक्रमण जोखिन न्यूनीकरण गर्न लागू गरेको लकडाउभन्दा दुई दिन अघिदेखि नै लामो दूरीका सवारीसाधन सञ्चालनमा रोक लगाएको थियो।सरकारले संक्रमण रोग ऐन २०२० मा टेकेर गएको चैत ११ देखि लकडाउन लागू गरेको थियो।

यातायात व्यवसायीले अन्तर जिल्ला मात्र नभइ मध्यम तथा लामो दूरीका सवारीसाधन चल्न दिनुपर्ने माग गर्दै आएका थिए। सरकारले भदौ १ गतेबाट छिटो, मध्यम र लामो दूरीका सबै खाले सार्वजनिक यात्रुबाहक बस चल्न दिने निर्णय गरेको हो।

मंगलबार नै यातायात व्यवसायीहरू आउँदो बिहीबारदेखि सबै सार्वजनिक यात्रुबाहक बस चलाउने घोषणा गरेका थिए। नेपाल यातायात व्यवसायी राष्ट्रिय महासंघले पत्रकार सम्मेलन गरी यस्तो घोषणा गरेको हुन्।

सोमबार यातायात व्यवस्था विभागका महानिर्देशक, नेपाल यातायात व्यवसायी राष्ट्रिय महासंघ, तीन ट्रेड युनियनहरू नेपाल यातायात स्वतन्त्र मजदूर संगठन, अखिल नेपाल यातायात मजदूर संघ र नेपाल यातायात मजदूर संघ, महानगरीय ट्राफिक प्रहरी महाशाखाबीच छलफल भएकाे थियाे।

उक्त छलफलमा ४ वटा बुँदामा सहमति भएको थियो। यातायात श्रमिकहरूकाे समूहिक काेराेना बिमाकाे प्रिमियम सरकार र यातायात व्यवसायीले आधाआधा भुक्तानी गर्ने, यातायात श्रमिक काेराेनाका कारण मृत्यु भएमा आश्रित परिवारलाई क्षतिपूर्तिका लागि सरकारकाे तर्फबाट काेष स्थापना गर्न विभागले सम्बन्धित मन्त्रालयमा सिफारिस गर्ने, यातायात श्रमिकहरूका लागि आवश्यक सम्पूर्ण स्वास्थ्य सामग्रीहरू (मास्क, स्यानिटाईजर, पन्जा, पिपिई) सम्बन्धीत व्यवसायीले उपलब्ध गराउने, लामाे, छाेटाे र मध्यम दुरीका सबै सवारी साधनहरू सञ्चालन गर्न विभागको मार्फत सम्बन्धीत मन्त्रालयमा सिफारिस गर्ने लगायत सहमति भएको हो।

पुनर्कर्जालगायत बैंकिङ विषयमा राष्ट्र बैंकले मौद्रिक नीति मार्फत स्बोधन गरेको र चालक/सहचालकको कोरोना बिमाकाे प्रिमियम सरकार र व्यवसायीले आधाआधा बेहोेर्ने सहमति जुटेपछि व्यवसायीहरू बस चलाउन राजी भएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धवलशमशेर राणा हाजिर जमानीमा रिहा, उपचारकाे लागि भारत जाँदै

पाथीभरा जाँदै गरेको गाडीमा करेन्ट लाग्यो, चारजनाको मृत्यु, दुई गम्भीर

कर्णाली स्वास्थ्य विज्ञान प्रतिष्ठानको निमित्त उपकुलपतिमा डा.धामी