जोरबिजोर प्रणालीमा सेवा दिने गरी मंगलबारदेखि खुल्दै मोटसाइकल कार्यालय

अटो

नेपाल लाइभ आइतबार, कात्तिक १६, २०७७ १३:४३

काठमाडौं- कर्मचारीमा कोरोना संक्रमण देखिएसंगै दसैंअघि नै बन्द भएको यातायात व्यवस्था कार्यालय मोटरसाइकल सतुंगल आइतबारबाट खुलेको छ। कार्यालयले केही समयका लागि सीमित सेवा मात्र दिन सूचना जारी गरी जानकारी दिएको छ।

कार्यालयले कात्तिक १८ गते मंगलबारदेखि सवारी दर्ता प्रमाणपत्र नवीकरण र सवारी साधनको नामसारीको सेवा दिने जनाएको छ। कार्यालयले जोर गते जोर नम्बरका मोटरसाइकल र बिजोर गते बिजोर नम्बर प्लटेका मोटरसाइकलको ब्लुबुक नवीकरण गर्नेछ।

त्यस्तै प्रत्येक फाँटबाट १० वटा नामसारी हुने गरी प्रत्येक दिन कुल ६० वटा टोकन वितरण हुने र टोकन लिएका सवारीसधनीहरुको मात्र उक्त दिन नामसारी हुने सूचनामा उल्लेख छ।

यसबाहेक ब्लुबुकको प्रतिलिपी, सरुवा सहमति, नामसारी रोक्का, लगत कट्टा, दर्ता खारेज, सवारी साधन विवरण लगायतका अन्य सेवाहरु नियमित रुपमा सञ्चालन हुने कार्यालयले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कलैया उपमहानगरका तत्कालीन प्रमुख प्रशासकीय अधिकृतसहित पाँचजनाविरुद्ध भ्रष्टाचार मुद्दा

नेपाल–भारत भन्सार महानिर्देशकस्तरीय वार्ता टोली गठन, यी हुन् मन्त्रिपरिषद् बैठकका १३ निर्णय [सूचीसहित]

शिक्षा मन्त्रालयले आन्दोलनरत शिक्षकलाई फेरि वार्तामा बोलायो