गाडीभाडा बढाउन यातायात व्यवसायीको दबाब

समाचार

नेपाल लाइभ बिहीबार, चैत ५, २०७७ १६:३१

काठमाडौं- यातायात व्यवसायीले गाडी भाडा बढाउनका लागि सरकारलाई दबाब दिन थालेका छन्। पटक-पटक इन्धनको मूल्य बढेकाले तत्काल सार्वजनिक सवारी साधनको भाडा बढाउन यातायात व्यवसायीहरूले दबाब दिन थालेका हुन्।

पछिल्लो ९ महिनामा ११ पटक पेट्रोलियम पदार्थको मूल्यवृद्धि भइसकेको भन्दै नेपाल यातायात व्यवसायी राष्ट्रिय महासंघले बिहीबार भौतिक पूर्वाधार तथा यातायातमन्त्री बसन्त नेम्वाङलाई भेटेर भाडा बढाउन आग्रह गरेको हो।

महासंघका अध्यक्ष योगेन्द्र कर्माचार्य, महासचिव सरोज सिटौलासहितको टोलीले मन्त्री नेम्वाङलाई भेटेर चैत तेस्रो सातासम्ममा सार्वजनिक सवारीको भाडा बढाउन आग्रह गरेका हुन्। अब पनि सरकारले भाडा नबढाए आफूहरु सवारीसाधन थन्क्याउन बाध्य हुने चेतावनीसमेत महासंघले दिएको छ।

२०६५ मा सरकारले तय गरेको वैज्ञानिक भाडा निर्धारण मापदण्डअनुसार गाडी भाडा बढाउनु पर्ने व्यवसायीको भनाइ छ।

सरकारले बनाएको उक्त मापदण्डमा पेट्रोलियम पदार्थको ३५ प्रतिशत भार र बिमा, कर, बैंक ब्याज, पाटपुर्जा, टायर, लुब्रिकेन्टलगायतका अन्य सामग्रीमा भएको मूल्यवृद्धिको ६५ प्रतिशत भार हुने व्यवस्था छ। यी आधार अनुसार बिमा, कर, बैंक, पाटपूर्जाजस्ता सामग्रीको मूल्यवृद्धिको आधारमा २०६९ सालदेखि हालसम्म भाडा समायोजन नभएको महासंघको दाबी छ। पेट्रोलियम पदार्थको मूल्यवृद्धिले सार्वजनिक सवारी सेवा दिन नसक्ने अवस्था आएको व्यवसायीहरूको जिकिर छ।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध भन्दै अमेरिकाले डिपोर्ट गर्‍यो वैध आप्रवासी, तीन दिनभित्र फिर्ता गर्न अदालतको आदेश

माग सम्बोधन गरेरै फर्काउने आन्दोलनरत शिक्षकहरुलाई प्रधानमन्त्रीको आश्वासन

बार निर्वाचन : काठमाडौँमा खस्यो ५० प्रतिशत मत