पुल्चोकको सडकबाट हटाइयो निर्माण सामग्री [तस्बिरहरू]

समाचार

निमेषजंग राई सोमबार, वैशाख १३, २०७८ १२:३९

काठमाडौं- ललितपुर महानगरपालिकाको महानगरीय प्रहरीले पुल्चोकस्थित नेपाल प्रहरीको निर्माणाधीन भवन अगाडि सडकमा थुपारेर राखिएको निर्माण सामग्री हटाएको छ।

सडक सफाइ अभियानअन्तर्गत नगर प्रहरीले सोमबार बिहान सडकमा राखिएको निर्माण सामग्री हटाएर निर्माणाधीन भवनको कम्पाउण्डभित्र राखिदिएको हो।

नगर प्रहरीले महानगरभित्रका नियम मिचेर सडक किनारमा सञ्चालित व्यापार तथा सडकमा राखिएका सामग्रीहरू हटाउँदै आएको छ। सडकमा अनधिकृत रूपमा निर्माण सामग्री राखिँदा पैदलयात्री तथा सवारी आवागमनमा अप्ठ्यारो हुने भएकोले सडकबाट हटाउने अभियान थालिएको महानगरीय प्रहरीले जानकारी दिएको छ।