उपत्यकामा रात्रिकालीन निषेधाज्ञाको दोस्रो दिन [तस्बिरहरु]

कोरोना अपडेट

निमेषजंग राई शुक्रबार, साउन २९, २०७८ २२:०३

काठमाडौं- उपत्यकामा राति ८ बजेदेखि सार्वजनिक तथा निजी सवारीसाधन सञ्चालन गर्न नपाइने गरी रात्रिकालीन निषेधाज्ञा लागू गरिएको आज दोस्रो दिन भएको छ।

कोरोना संक्रमण न्यूनीकरणका लागि जिल्ला प्रशासन कार्यालयले राति अत्यावश्यकबाहेकका सवारीसाधन चलाउन रोक लगाएको हो। बिहीबार रातिबाट लागू गरिएको उक्त निषेधाज्ञा आगामी भदौ ८ गतेसम्म जारी रहनेछ।

अत्यावश्यक काममा प्रयोग हुने सवारी भने २४ सै घण्टा सञ्चालन हुनेछ। अन्य ढुवानीका साधन भने तोकिएका समयमा सञ्चालन गर्न सकिनेछ ।

पछिल्लो दुई हप्तादेखि उपत्यकामा निषेधाज्ञामा कडाइ गर्न थालिएको छ। शुक्रबार साँझ उपत्यकामा रात्रिकालीन निषेधाज्ञा लागू भएको दोस्रो दिन भए पनि केही सवारीसाधन भने गुडिरहेका छन्। प्रहरीले ठाउँ-ठाउँमा चेक प्वाइन्ट राखेर सवारीसाधन जाँच गरिरहेको देखिन्छ।

हेरौं दोस्रो दिनको केही तस्बिर: