देउवा पक्षबाट बागमतीमा ३ केन्द्रीय सदस्य विजयी

महाधिवेशन विशेष

नेपाल लाइभ मंगलबार, पुस ६, २०७८ १७:४५

काठमाडौं- नेपाली कांग्रेसको बागमती प्रदेशअन्तर्गत छनोट हुने तीन जना केन्द्रीय सदस्य चयन भएका छन्।

प्रदेशबाट दुई पुरुष र एक महिला निर्वाचित हुने विधानको व्यवस्थाअनुसार ध्यानगोविन्द रञ्‍जित, राजन केसी र उर्मिला नेपाल विजयी भएका हुन्।

विजयी तीनै जना संस्थापनपक्षका हुन्। काठमाडौं-१० का सांसदसमेत रहेका केसी नेता प्रकाशमान सिंहनिकट हुन्। सिंह सभापति देउवातिर लागेपछि उनी पनि सोही पक्षमा लाग्ने बताइन्छ। उम्मेदवारको सूचीमा केसी शेखर कोइरालाको प्यानलमा परेका थिए।

बागमतीबाट महिला एक केन्द्रीय सदस्यका लागि तीन जनाको उम्मेदवारी परेको थियो। उर्मिला नेपाल, कृष्णा अमात्य र विष्णुदेवी पुडासैनीले उम्मेदवारी दिएका थिए।

दुई जना पुरुषका सदस्यका लागि छ जनाको उम्मेदवारी परेको थियो। ध्यानगोविन्द रञ्जित, ध्रुवप्रसाद अधिकारी, निमा ग्याल्जेन शेर्पा, मनोज राना, रमेशप्रसाद धमला, राजेन्द्रकुमार केसीले उम्मेदवारी दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकामा ट्रम्पविरुद्ध प्रदर्शन

निकै खराब अवस्थामा काठमाडौँको वायु प्रदूषण, स्वास्थ्य सावधानी अपनाउन अनुरोध

अर्घाखाँचीको मालारानीमा जीप दुर्घटनाः दुई जनाको मृत्यु, दुई जना घाइते