माओवादी प्रदेश १ को पदाधिकारीका लागि निर्वाचन प्रक्रिया सुरु

महाधिवेशन विशेष

नेपाल लाइभ बुधबार, पुस ७, २०७८ १७:२९

काठमाडौं- नेकपा (माओवादी केन्द्र) प्रदेश १ को अध्यक्षसहित नौ जना पदाधिकारीका लागि निर्वाचन प्रक्रिया सुरु भएको छ। निर्वाचन समितिले अपराह्न ४ बजे मतदाता नामावली प्रकाशन गरेर राति साढे ११ बजे शपथ ग्रहणको कार्यतालिका सार्वजनिक गरेको छ।

प्रदेश अध्यक्षका लागि पार्टी केन्द्रीय सदस्यले आफ्नो दाबी छोडेपछि प्रदेश समितिमा रहेका अन्य नेताहरुले पदाधिकारीमा दाबी गरेका छन्। जसमा हर्कबहादुर लावती, शिवकुमार डाँगी, मुक्साहाङ मेयाङ्बो, ध्रुव बुढाथोकी, देवान चाम्लिङ र मोहनकुमार खत्रीलगायत छन्।

यस्तै अन्य आठ पदाधिकारीमा पनि धेरै नेताहरुले दाबी गरेकाले सर्वसम्मत हुने सम्भावना कम देखिएको एक नेताले बताए।

उक्त प्रदेशमा नौ जना पदाधिकारीका लागि ४० जनाभन्दा धेरै दाबेदार देखिएका छन्। मतदाता नामावली प्रकाशित भएपछि उम्मेदवारी दर्ता हुने र त्यसपछि मात्रै उम्मेदवारको टुङ्‍गो लाग्ने ती नेताले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकामा ट्रम्पविरुद्ध प्रदर्शन

निकै खराब अवस्थामा काठमाडौँको वायु प्रदूषण, स्वास्थ्य सावधानी अपनाउन अनुरोध

अर्घाखाँचीको मालारानीमा जीप दुर्घटनाः दुई जनाको मृत्यु, दुई जना घाइते