२० जिल्लामा ५ सयभन्दा बढी सक्रिय संक्रमित, काठमाडौंमा ३७ हजारभन्दा बढी

कोरोना अपडेट

नेपाल लाइभ आइतबार, माघ १६, २०७८ ०९:५६

काठमाडौं– स्वास्थ्य मन्त्रालयको पछिल्लो तथ्यांक अनुसार २० जिल्लामा पाँच सयभन्दा बढी कोरोनाका सक्रिय संक्रमित रहेका छन्। मन्त्रालयका अनुसार प्रदेश १ का मोरङ, सुनसरी र झापा, मधेस प्रदेशका धनुषा, सप्तरी र सिरहा, बागमती प्रदेशका काठमाडौं, भक्तपुर, ललितपुरका ५ सयभन्दा बढी संक्रमित छन्। त्यसैगरी, गण्डकी प्रदेशका कास्की, पूर्वी नवलपरासी र तनहुँ, लुम्बिनी प्रदेशका रुपन्देही, बाँके र दाङ तथा सुदूरपश्चिम प्रदेशको कैलाली जिल्लामा पाँच सय बढी सक्रिय संक्रमित छन्।

मन्त्रालयको तथ्यांक अनुसार हाल काठमाडौँमा सर्वाधिक ३७ हजार ३४ जना सक्रिय संक्रमित रहेका छन्। त्यस्तै, ललितपुरमा १० हजार १२५ तथा भक्तपुरमा ५ हजार ६०५ जना सक्रिय सङ्क्रमित रहेका छन्।

यस्तै १६ जिल्लामा दुई सयभन्दा बढी कोरोनाका सक्रिय संक्रमित रहेका छन्। मधेस प्रदेशका बारा, पर्सा, महोत्तरी र सर्लाही, बागमतीका धादिङ, सिन्धुपाल्चोक र सिन्धुली गण्डकी प्रदेशका गोरखा, स्याङजा र बाग्लुङ्, लुम्बिनी प्रदेशका पाल्पा, गुल्मी, बर्दिया र नवलपरासी, कर्णाली प्रदेशको सुर्खेत तथा सुदूरपश्चिम प्रदेशको कञ्चनपुर जिल्लामा दुई सय बढी सक्रिय संक्रमित छन्।

नेपालमा कुल सक्रिय संक्रमितको संख्या ८७ हजार ३२९ मा पुगेको छ। नेपालमा हालसम्म कोभिड–१९ को सङ्क्रमणबाट ११ हजार ७०३ जनाले ज्यान गुमाइसकेका छन्।

हाल सङ्क्रमितमध्ये ८५ हजार ६३६ जना होम आइसोलेसनमा, १ हजार ६९३ जना संस्थागत आइसोलेसनमा, २८६ आईसीयूमा तथा ४७ जना भेन्टिलेटरमा रहेका छन्।

पछिल्ला केही दिनयता नेपालमा कोरोना संक्रमणदर घट्दै गएको छ। स्वास्थ्य मन्त्रालयले शनिबार सार्वजनिक गरेको विवरणअनुसार कूल परीक्षणको करिब ३४ प्रतिशतमा सङ्क्रमण पुष्टि भएको छ। यसअघि कूल परीक्षणको ५० प्रतिशत बढीमा सङ्क्रमण देखिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आन्दोलन जारी राख्ने शिक्षक महासंघको निर्णय

एसईईको उत्तरपुस्तिका जाँच र १२ को परीक्षा सञ्चालनमा सामेल हुन शिक्षकलाई बोर्डको आग्रह

लामिछानेसहित ७ प्रतिवादी विरुद्धको पेसी स्थगित