संखुवासभामा कांग्रेसले बढायो १ पालिका, एमाले ४ मा झर्‍यो

स्थानीय निर्वाचन

नेपाल लाइभ बिहीबार, जेठ ५, २०७९ १५:२९

काठमाडौं– अघिल्लो स्थानीय तहको निर्वाचनमा संखुवासभाका १० पालिकामध्ये ५ पालिकाको नेतृत्व जितेको एमाले यसपटक भने ४ पालिकामा सीमित भएको छ। अघिल्लोपटक ५ पालिका जितेको कांग्रेसले भने एमालेबाट एउटा पालिकाको नेतृत्व खोसेर ६ पुर्‍याएको छ।

संखुवासभामा माओवादी केन्द्रले यसपटक पनि कुनै पालिकाको नेतृत्व जित्न सकेन।

अघिल्लो स्थानीय तहको निर्वाचनमा एमालेले संखुवासभाका सभापोखरी गाउँपालिका, मादी नगरपालिका, मकालु गाउँपालिका, चैनपुर नगरपालिका र खाँदवारी नगरपालिकामा जित निकालेको थियो। तर, यसपटक भने एमालेले संखुवासभाको मादी नगरपालिका, भोटेखोला नगरपालिका, धर्मदेवी नगरपालिका र चैनपुर नगरपालिकामा जीत निकालेको छ।

अघिल्लो स्थानीय तहको निर्वाचनमा कांग्रेसको जीत भएको भोटेखोला नगरपालिका र धर्मदेवी नगरपालिका यसपटक आफ्नो पोल्टोमा पारेको एमालेले अघिल्लो पटक जितेको मकालु गाउँपालिका, सभापोखरी गाउँपालिका र खाँदवारी नगरपालिका भने गुमाएको छ।

एमालेले यसपटक जित निकालेको मादी नगरपालिकामा जीवन लिंथेप, भोटखोला गाउँपालिकामा वाङ छेदर लामा, धर्मदेवी नगरपालिकामा उदय चन्द्र पौडेल र चैनपुर नगरपालिकामा कृष्ण कुमार तामाङ निर्वाचित भएका छन्।
यसपटकको स्थानीय तहको निर्वाचनमा नेपाली कांग्रेसले ६ पालिकामा जीत निकालेको छ।

अघिल्लो स्थानीय तहको निर्वाचनमा जितेका आफ्ना २ पालिका गुमाएको कांग्रेसले एमालेले अघिल्लोपटक जितेका ३ पालिका खोस्दै ६ पालिकामा जीत निकालेको हो।

कांग्रेसले यसपटक सभापोखरी गाउँपालिका, खाँदवारी नगरपालिका, चिचिला गाउँपालिका, पाँचखपन नगरपालिका, सिलीचोङ गाउँपालिका र मकालु गाउँपालिकामा जीत निकालेको छ। यीमध्ये तीन पालिका चिचिला गाउँपालिका, पाँचखपन नगरपालिका र सिलीचोङ गाउँपालिका अघिल्लो पटक नै जितेका पालिका हुन् भने बाँकी तीन सभापोखरी गाउँपालिका, खाँदवारी नगरपालिका र मकालु नगरपालिका अघिल्लो पटक एमालेले जितेका पालिकाहरु हुन्। कांग्रेसले एमालेले अघिल्लो पटक जितेका यी ३ पालिकामा जीत निकाल्दै संखुवासभाको ६ पालिकामा जित निकालेको छ।

कांग्रेसले जितेका ६ पालिकाहरुअन्तर्गत चिचिला गाउँपलिकामा पासाङ नुर्वु शेर्पा, खाँदवारी नगरपालिकामा महेश थपलिया, पाँचखपन नगरपालिकामा विपीन राई, सभापोखरी गाउँपालिकामा भिमबहादुर लिम्बु, सिलिचोङ गाउँपालिकामा भुपाल राज राई र मकालु गाउँपालिकामा ओङदी छिरिङ शेर्पाले जित निकालेका छन्।

यस्तो छ मतपरिणाम:

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बुटवलमा एक महिलामाथि गोली प्रहार, लुम्बिनी प्रादेशिक अस्पतालमा उपचार हुँदै

तीनकुने घटनाः सन्तोष सिलवाल पक्राउ

शिक्षक आन्दोलनप्रति झाक्रीको टिप्पणी, ‘अब चाँहि रमिता बढी भयो’