एकीकृत समाजवादीले सुदूरपश्चिममा जित्यो दोस्रो पालिकाको नेतृत्व

स्थानीय निर्वाचन

नेपाल लाइभ बिहीबार, जेठ ५, २०७९ १६:४५

धनगढी– नेकपा एकीकृत समाजवादीले सुदूरपश्चिम प्रदेशमा थप १ पालिकाको नेतृत्व जितेको छ। एकीकृत समाजवादीले बझाङको केदारस्युँ गाउँपालिकाको अध्यक्ष जितेको छ।

सत्ता गठबन्धनबाट एकीकृत समाजवादीका उम्मेदवार गणेश बहादुर बोहरा ४ हजार ३२१ मत ल्याउँदै गाउँपालिकाको अध्यक्षमा निर्वाचित भएका छन्। उनका प्रतिस्पर्धी नेकपा एमालेका लोकेश बहादुर भण्डारीले २ हजार ४०८ मत ल्याए।

उपाध्यक्षमा पनि गठबन्धनबाट नेपाली कांग्रेसका उम्मेदवार विजयी भएका छन्। नेपाली कांग्रेसकी मनिषा धामी ३ हजार ९३१ मत ल्याउँदै गाउँपालिकाको उपाध्यक्षमा निर्वाचित भइन्।

उनकी प्रतिस्पर्धी नेकपा एमालेकी नारा कुमार गुर्धामी २ हजार ९४९ मतमा सीमित रहिन्।

सुदूरपश्चिम प्रदेश सभामा सबैभन्दा ठूलो दलको रुपमा रहेको एकीकृत समाजवादीले पालिकाको प्रमुखको रुपमा प्रदेश भरमा बझाङको केदारस्युँमा दोस्रो जित हासिल गरेको हो। एकीकृत समाजवादीले यसअघि कैलालीको घोडाघोडी नगरपालिकाको प्रमुख जितेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बुटवलमा एक महिलामाथि गोली प्रहार, लुम्बिनी प्रादेशिक अस्पतालमा उपचार हुँदै

तीनकुने घटनाः सन्तोष सिलवाल पक्राउ

शिक्षक आन्दोलनप्रति झाक्रीको टिप्पणी, ‘अब चाँहि रमिता बढी भयो’