काठमाडौं- गण्डकी प्रदेशका ८५ पालिकामध्ये ८३ पालिकाको नतिजा सार्वजनिक भइसकेको छ। दुई वटामा भने मतगणना जारी छ। नतिजा सार्वजनिक भएका ८३ पालिकामध्ये नेपाली कांग्रेस र नेकपा एमालेले बराबर ३५/३५ पालिकाको नेतृत्व जितेका छन्।
अघिल्लो निर्वाचनको तुलनामा देशभर कांग्रेसले निकै धेरै पालिकाकाको नेतृत्व जितेको भए पनि गण्डकी प्रदेशमा भने ऊ घाटामा गएको छ। २०७४ सालको निर्वाचनमा ४४ पालिकाको नेतृत्व जितेको उसले यसपटक ३५ पालिकाको नेतृत्वमा चित्त बुझाउनुपरेको छ। गोरखा त उसलाई सबैभन्दा ठूलो झड्का लागेको छ। त्यहाँका ११ पालिकामध्ये अघिल्लो निर्वाचनमा ९ वटामा जित निकालेको उसले यसपटक २ वटामा मात्रै जित्न सक्यो।
अघिल्लो निर्वाचनमा ३४ पालिकाको प्रमुख जितेको एमालेले एउटा थप पालिकाको नेतृत्व जितेको छ। अहिले उसले ३५ पालिकाको नेतृत्व जितिसकेको छ। अघिल्लो निर्वाचन गोरखामा कुनै पालिकाको नेतृत्व जित्न नसकेको उसले यसपटक पनि त्यही नियती दोहोर्यायो। बाँकी जिल्लामा भने कतै एउटा दुइटा थपेको छ, कतै गुमाएको छ।
माओवादी केन्द्रले प्रदेशभरको समग्र नतिजामा केही सुधार गरेको छ। २०७४ सालमा उसले केवल ५ पालिकाको नेतृत्व जितेको थियो। यसपटक उसले ११ वटा पालिकाको नेतृत्व जितेको छ। त्यसका लागि गोरखा नै सहायक बनेको छ। यो पालिकामा अघिल्लो चुनावमा २ पालिकामा मात्रै जितेको उसले यसपटक ९ वटामा जित निकाल्यो। यसपटक उसले तनहुँमा १ र बागलुङमा १ पालिकाको नेतृत्व मात्रै जितेको छ। मनाङ, लमजुङ, कास्की, स्याङ्जा, नवलपरासी पूर्व, मुस्ताङ, म्याग्दी र पर्वतमा उसले नेतृत्व जित्न सकेन।
राष्ट्रिय जनमोर्चाले बागलुङमा दुई पालिकाको नेतृत्व जितेको छ। यसअघि सोही जिल्लामा एउटा मात्रै पालिका जितेको उसले यसपटक दुई पालिकाको नेतृत्व जित्यो। बाँकी १० जिल्लामा उसको नेतृत्व रहन सकेन।
एमाले विभाजन भएर गठन भएको नेकपा एकीकृत समाजवादी पनि यो प्रदेशमा कमजोर साबित भएको छ। अहिलेसम्म सार्वजनिक भएका ८३ पालिकाको नतिजामा उसले नेतृत्व जित्न सकेको छैन। उसले पोखरा महानगरपालिकामा अग्रता लिएको छ । त्यहाँ जिते मात्रै उसको उपस्थिति देखिने छ।
नतिजा आउन बाँकी दुई मध्ये एक पालिकामा स्वतन्त्र उम्मेदवारले अग्रता लिएका छन्। तनहुँको व्यास नगरपालिकामा स्वतन्त्र उम्मेदवार दीपकराज जोशीले अग्रता लिएका हुन्। २०७४ सालमा पनि यो प्रदेश अन्तर्गतको मुस्ताङमा पनि एक उम्मेदवारले स्वतन्त्र हैसियतमा जित निकालेका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
