सुनसरी–सुनसरीको धरान उपमहानगरपालिका मेयरमा स्वतन्त्र उम्मेदवार विजयी भएका छन्।
स्वतन्त्र उम्मेदवार हर्कराज राई (साम्पाङ) विजयी भएका हुन्। राईले २० हजार ८ सय २१ मत पाए । उनका प्रतिस्पर्धी नेपाली कांग्रेसका किशोर राईले १६ हजार ५९ मत पाए। साम्पाङ ४ हजार ७६२ मत अन्तरले विजयी भएका हुन्।
त्यस्तै नेकपा एमालेकी उम्मेदबार मञ्जु भण्डारी तेस्रो भइन्। उनले १२ हजार ८ सय २५ मत पाइन्। उपमेयरमा माओवादी केन्द्रका अइन्द्रविक्रम वेघाले जितेका छन्। उनले २० हजार ५ सय १० मत पाउँदा उनका प्रतिस्पर्धी एमालेका पदमप्रसाद लिम्बुले १७ हजार ६ सय ६ मत पाए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।