रास्वपामा कार्यवहाक सभापतिको जिम्मेवारी डिपी अर्याललाई

राजनीति

नेपाल लाइभ शनिबार, चैत २३, २०८१ ०७:३०

काठमाडौँ – राष्ट्रिय स्वतन्त्र पार्टीले कार्यवाहक सभापतिको जिम्मेवारी उपसभापति डिपी अर्याललाई दिएको छ । शुक्रबार राती बसेको केन्द्रीय सचिवालयको बैठकले उनलाई कार्यवाहक सभापतिको जिम्मेवारी दिएको हो ।

उच्च अदालत तुलसीपुर बुटवल इजलासले रास्वपाका सभापति रवि लामिछानेलाई शुक्रबार थुनामा पठाउन आदेश दिएको थियो । त्यसपछि उनलाई काठमाडौँ स्थित घरबाटै प्रहरीले पक्राउ गरेको थियो । उनलाई आज बिहान हवाई मार्फत बुटवल लिने तयारी गरिएको छ । सभापति लामिछाने पक्राउ भए लगत्तै रास्वपाको सचिवालय बैठक बसेको हो ।

बैठकले अदालत र अदालतको निर्णयको सदैव सम्मान गर्दै अदालत, संविधान र कानुनमा आधारित रही अर्को तह र ढोकामा न्यायको लागि अघि बढ्ने निर्णय गरेको छ ।

यस्तै, आज चैत्र २३ गते शनिबार अपराह्न २ बजे चितवनको भरतपुरमा आयोजना हुन लागेको सभालाई शान्त र सौम्य बनाउन बैठकले निर्देशन दिएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बार निर्वाचन : काठमाडौँमा खस्यो ५० प्रतिशत मत

प्रधानमन्त्री ओलीको प्रतिप्रश्न-‘भारतले कहाँ काँडेतार लगाएको छ र ?’

सगरमाथा संवादमा भारतीय प्रधानमन्त्री मोदी आउन नभ्याउने