झापा–झापा गौरीगञ्ज गाउँपालिकाको अध्यक्षमा फूलवती राजवंशी र उपाध्यक्षमा पूजन न्यौपाने कुँवर निर्वाचित भएका छन्।
नेपाली कांग्रेसका तर्फबाट उम्मेदवार रहेकी राजवंशी पाँच हजार ६८९ मतसहित विजयी भएकी हुन्। उनका निकटतम प्रतिस्पर्धी एमालेका विजयकुमार अग्रवालले तीन हजार ३३० मत प्राप्त गरे।
यस्तै, एमालेकी उपाध्यक्ष कुँवर चार हजार ७५५ मतसहित विजयी भइन्। उनले कांग्रेसका उम्मेदवार मखना महतोलाई पराजित गरेकी हुन्। महतोले तीन हजार ७९५ मत पाए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।