नाटक 'ऐया! माया' मञ्चन हुँदै

रंगमञ्च

नेपाल लाइभ मंगलबार, जेठ ३१, २०७९ २१:२३

काठमाडौं– राजधानीको टेकुस्थित कौसी थिएटरमा नाटक 'ऐया! माया' मञ्चन हुने भएको छ। सुदाम सिकेको निर्देशनमा बनेको नाटक असार ७ गतेदेखि मञ्चन हुने भएको हो।

सिकेको निर्देशनमा बनेको यो चौँथो नाटक हो। यसअघि उनको निर्देशनमा 'च्यातिएको पर्दा', 'आन्दोलन' र 'पाँच' मञ्चन भइसकेका छन्। सुरुका दुईवटा नाटक यथार्थपरक शैलीमा बनेका थिए। तीन वर्षअघि मञ्चन भएको नाटक 'पाँच' भने शारीरिक प्रयोगात्मक हो।

'पाँच' संवादविहीन पहिलो नेपाली नाटक पनि हो। 'ऐया! माया'मा शरिरसँगै आवाज र संगीतमा पनि नयाँ प्रयोग गरेको उनले जानकारी दिए। 'कुनै समस्याको समाधान र समाज रुपान्तरण होस् भनेर यो नाटक गर्न लागेको होइन। मलाई अभिव्यक्त गर्न मन लागेको कुरा यसरी भन्न खोजेको हो,' उनले भनेका छन्,'हामी सबै सधैं हतारमा हुन्छौं। सँधै केही न केही पाउनको लागि दौडिरहेका हुन्छौं। हरेक दिन ठूला–ठूला घटना भइरहेका हुन्छन्। जसलाई अर्का घटनाले छायाँमा पारिरहेको हुन्छ। यो नाटकमार्फत् हामीले बिर्सिरहेका कुराहरू सम्झाउन मात्र खोजेको हो।'

No description available.

कथा घेराको प्रस्तुती रहेको नाटकमा अकाश नेपाली, आयान खड्का, पवित्र राई, सरिता कठायत, शिशिर शिवाकोटी र मुक्तिको अभिनय रहेको छ। संगीतमा शिवराज जोशी र शर्मिला गुरुङ रहेका छन् भने प्रकाश परिचालकको रुपमा क्षितिज रहेका छन्।

करिब दुई महिना 'रिहर्शल' भएपछि नाटक तयार भएको हो। यतिबेला नाटकको अन्तिम चरणको काम भइरहेको छ। असार ७ देखि मञ्चन सुरु हुने नाटक असार ३२ सम्म सोमबार र मंगलबारबाहेक हरेक दिन साँझ साढे ५ बजे र शनिबार अतिरिक्त शो दिउँसो २ बजे पनि मञ्चन हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्यमा भारी गिरावट, कतिमा हुँदैछ कारोवार ?

एनएसएलमा आज चितवन र लुम्बिनी खेल्दै

आईपीएलमा आज लखनऊ र मुम्बई भिड्दै