सजिलो छैन म्यादी बन्न [तस्बिरहरू]

समाचार

मनिष अर्याल सोमबार, असोज १०, २०७९ १३:२५

काठमाडौं– आगामी मंसिर ४ मा हुने प्रतिनिधि सभा र प्रदेश सभा निर्वाचनमा खटिने म्यादी प्रहरीको छनोट सुरू भएको छ।

आइतबारदेखि देशभर म्यादी प्रहरीको छनोट सुरु भएको हो। केन्द्रीय सुरक्षा समितिले निर्वाचनमा १ लाख १५ हजार म्यादी प्रहरी परिचालन गर्ने तयारी गरेसँगै छनोट प्रारम्भ भएको छ।

आइतबार म्यादी प्रहरीका लागि आवेदन दिएकाहरूको प्रारम्भिक स्वास्थ्य परीक्षण तथा शारीरिक तन्दुरुस्ती परीक्षा भयो।

म्यादी प्रहरीले प्रहरीको आधारभूत तलबमान अनुसार प्रतिव्यक्ति दैनिक ८ सय ६९ रुपैयाँका दरले ४० दिनको ३४ हजार ७ सय ६०, रासन भत्ताबापत ७ हजार २ सय, पोशाक भत्ताबापत ६ हजार पाउनेछन्।

यस्तै, यातायात खर्चबापत एक पटकका लागि १ हजार र खाजा खर्चलाई दैनिक ३ सय रुपैयाँका दरले ४ दिनको १ हजार २ सय गरी एकमुष्ट ५० हजार १ सय ६० रुपैयाँ र हिमाली भेगमा खटिनेलाई ज्याकेट किन्न थप १ हजार रुपैयाँ उपलब्ध गराइने बताइएको छ।

कीर्तिपुरस्थित ल्याबरोटरी स्कुलको प्राङ्गणमा भइरहेको म्यादी प्रहरी छनोटका तस्बिरहरू :

Myadi-Bharna (14)1664177811.jpg