मापदण्ड पूरा नगरी सञ्चालित काठमाडौंका दुई अस्पतालमा महानगरले लगायो ताला

राजनीति

तस्बिरहरु : निमेषजंग राई

काठमाडौं– मापदण्ड पूरा नगरी सञ्चालित दुईवटा अस्पतालमा काठमाडौं महानगरपालिकाले ताला लगाएको छ।

महानगरपालिकाले बौद्धमा सञ्चालित चाइनिज पिपुल्स हस्पिटल र जडीबुटीमा सञ्चालित हाम्रो सहयात्री अस्पताल तथा बर्थिङ सेन्टरमा ताला लगाएको हो।

hospital talabandi (7)1686572881.jpg

महानगरबाट गएको अनुमगन टोलीले अस्पतालले दर्ता लगायतका प्रक्रिया पूरा नगरेको फेला पारेपछि हाम्रो सहयात्रीमा ताला लगाएको हो।

hospital talabandi (5)1686572822.jpg

अनुगमन टोलीले अस्पताल परिसरमा रहेको फार्मेसीमा पनि ताला लगाएको छ। फार्मेसीले समेत मापदण्ड र कानुनी प्रक्रिया पुरा गरेको नपाएपछि ताला लगाइएको टोलीले जनाएको छ।

hospital talabandi (6)1686572825.jpg

यता बौद्धमा सञ्चालित चाइनिज पिपुल्स अस्पतालले पनि मापदण्ड पूरा नगरेको पाइएपछि ताला लगाइएको हो। महानगरले अनुगमनका क्रममा कानुनी प्रक्रिया पूरा नगरी सञ्चालनमा रहेको र मापदण्ड पूरा नगरेको फेला पारेपछि अस्पतालको प्रशासनमा ताला लगाइदिएको हो।

hospital talabandi (4)1686572821.jpg

यस्तै अस्पतालमा भर्ना भएका बिरामीलाई अन्यत्र अस्पतालमा व्यवस्थापन गर्न पनि महानगरले निर्देशन दिएको छ।

महानगरपालिकाको टोलीले सोमबार अस्पतालको आकस्मिक अनुगमन गरेको थियो।

hospital talabandi (3)1686572817.jpg