मध्यपश्चिम विश्वविद्यालयमा नेविसंघको प्यानल नै विजयी

राजनीति

नेपाल लाइभ बुधबार, चैत २०, २०८१ ०७:०३

सुर्खेत – मध्यपश्चिम विश्वविद्यालयको स्वतन्त्र विद्यार्थी युनियन (स्ववियु) चुनावमा नेपाल विद्यार्थी संघ (नेविसंघ)को प्यानलनै विजयी भएको छ । विवेक खड्का नेतृत्वको प्यानलले जित हाँसिल गरेको हो ।

चुनावमा अध्यक्ष पदका लागि भएको प्रतिस्पर्धामा खड्काले १ हजार १८८ मत प्राप्त गर्दै अनेरास्ववियुका जगतजंग शाहीलाई पराजित गरे । शाहीले ९०७ मत प्राप्त गरेका थिए । अध्यक्षका अन्य प्रत्याशी प्रकाश विकले २७५ मत र मिलन बिसीले २३१ मत पाए । कुल ४ हजार ३८३ मतदातामध्ये २ हजार ८६४ जनाले मतदान गरेका थिए । यो परिणामले मध्यपश्चिम विश्वविद्यालयमा नेविसंघको पकड अझै बलियो रहेको देखाएको छ ।

विशेष गरी हालैका राजनीतिक घटनाक्रमका कारण विद्यार्थी राजनीतिमा असन्तुष्टि बढिरहेको बेला यो जित नेविसंघका लागि महत्त्वपूर्ण मानिएको छ ।

सचिवमा नेविसंघकै भूपेन्द्र आचार्यले एक हजार ४ सय ९६ भोट र कोषाध्यक्षमा नेविसंघकै उम्मेदवार लोक प्रसाद रिजाल १ हजार २ सय ५५ भोट सहित निर्वाचित भएका छन् । यस्तै अन्य सदस्यहरुमा पनि नेविसंघकै उम्मेदवारहरु विजयी भएका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमान र हितेन्द्रको रिटमा सुनुवाइ सकियो, आजै आदेश आउने

बन्धक फिर्ता नभएसम्म गाजामा दबाब जारी राखिने: नेतान्याहू

झिनो अंकले बढ्यो नेप्से,बढ्यो कारोबार