कार्यवाहक प्रधानमन्त्रीले शिक्षा विधेयकबारे शिक्षामन्त्री र संसदीय समितिसँग छलफल गर्दै

राजनीति

नेपाल लाइभ बिहीबार, चैत २१, २०८१ १४:२६

काठमाडौं–कार्यवाहक प्रधानमन्त्री प्रकाशमान सिंहले विद्यालय शिक्षा विधेयकमा सरोकारवालासँग छलफल गर्ने भएका छन्।

त्यसका लागि आज दिउँसो ४ बजे विधेयकसँग सरोकार राख्नेहरूलाई बोलाइएको छ।

प्रधानमन्त्री केपी शर्मा ओली थाइल्यान्डको भ्रमणमा रहेका बेला कार्यवाहक प्रधानमन्त्रीको जिम्मेवारी पाएका सिंहले छलफल गर्न लागेका हुन्। विद्यालय शिक्षा विधेयक तत्काल जारी गर्नुपर्ने माग राख्दै शिक्षक तथा कर्मचारीहरू हिजोदेखि सडक आन्दोलनमा छन्।

छलफलमा गृहमन्त्री पनि सहभागी हुने बताइएको छ। शिक्षा समितिमा विधेयकको काम कहाँसम्म पुगेको छ र शिक्षकका मागका विषयमा कामु प्रधानमन्त्री सिंहले बुझ्न लागेका हुन्।

शिक्षकहरूले भने आफूलाई कुनै प्रकारको वार्ता नचाहिएको बताउँदै आएका छन्। विद्यालय शिक्षा ऐन चाहिएको भन्दै उनीहरूले कसैसँग पनि वार्ता नगर्ने बताएका हुन्।

नेपाल शिक्षक महासङ्घका अध्यक्ष लक्ष्मीकिशोर सुवेदीले आफूहरूलाई वार्ताभन्दा ऐन चाहिएको बताए। वार्ताको कुनै औचित्य नभएको बताउँदै जति सक्दो चाडो ऐन दियो त्यति चाँडो आन्दोलन सकिने बताए।

बुधबारदेखि शिक्षकहरूले काठमाडौंमा प्रदर्शन गरिरहेका छन्। नयाँ शैक्षिकसत्र सुरु गर्नुपर्ने समयमा शिक्षकहरू आन्दोलनमा उत्रिएपछि सरकारले चासो दिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बिम्स्टेक शिखर सम्मेलन सुरु, प्रधानमन्त्री ओलीले सम्बोधन गर्दै

डढेलोमा परी एक युवतीको मृत्यु, चार जना घाइते

काठमाडौंको वायु प्रदूषण अझै उच्च, स्वास्थ्य सतर्कता अपनाउन अनुरोध