वर्षाले प्रभावित खेलमा नेपाल यू १९ ले निकाल्यो अफगानिस्तानमाथि ८५ रनको जित

क्रिकेट

नेपाल लाइभ बुधबार, चैत २७, २०८१ १७:११

काठमाडौं– आईसीसी यू१९ विश्वकप छनोटको तयारीका लागि नेपाल र अफगानिस्तानबीच जारी सिरिजको तेस्रो खेल वर्षाले प्रभावित हुँदा नेपाल डकवर्थ लेविस स्टर्न पद्दतिका अनुसार ८५ रनले विजयी भएको छ ।

नेपालले प्रस्तुत गरेको १ सय ९२ रनको लक्ष्य पछ्याउने क्रममा अफगानिस्तानको ब्याटिङ नचल्दा नेपाल विजयी भएको हो । २०.१ ओभरमा ४६-६ को स्थितिमा रहँदा वर्षा भएपछि खेल पुन: सञ्चालन हुन सकेन । पहिलो दुई खेलमा अफगानिस्तान १ सय ३० रन र १ रनले विजयी भएको थियो । सिरिज २-१ ले अफगानिस्तानको पक्षमा रह्यो ।

मुलपानी क्रिकेट मैदानमा हल्का वर्षा सुरु हुन थालेपछि खेलको नतिजा नआउने शंका बढेको थियो । तर २० औं ओभरको अन्तिम बलमा सन्तोष यादवले नाजिफुल्लाह अमिरीलाई बोल्ड गरे । अर्को ओभरको पहिलो बलमा वर्षा भारी भएपछि अम्पायरले खेल रोके । त्यस समयमा अफगानिस्तान ४६-६ को स्थितमा थियो ।

त्यसअघि टस जितेर बलिङ रोजेको अफगानिस्तानविरुद्ध नेपालले ४५ औं ओभरमा अलआउट हुँदै १ सय ९१ रनमात्र बनाएको थियो । नेपालले सानदार सुरुवात गरे पनि मध्यक्रमका ब्याटरले राम्रो खेल्न नसक्दा सामान्य स्कोरमा सिमित भयो । नेपालका लागि ओपनर साहिल पटेलले सर्वाधिक ४६ रन जोडे ।

नेपालका लागि ओपनरद्वय साहिल र निरज कुमार यादवले उत्कृष्ट सुरुवात दिलाएका थिए । १५ औं ओभरमा ८३ रनको अवस्थामा निरज आउट भएपछि साझेदारी तोडिएको थियो ।

नेपाल र अफगानिस्तान दुवै सम्मिलित विश्वकप छनोट आइतबारदेखि सुरु हुनेछ । यूएई, ओमान र हङकङ पनि छनोटमा खेल्नेछन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानको अल–फासेरमा झडप, ५७ जनाको मृत्यु

केही भएन भन्ने भ्रामक प्रचार बढी भयो : मन्त्री राणा

प्रहरीका ६ जना डीआईजीलाई एआईजीमा बढुवा गर्न सिफारिस (सूचीसहित)