राजावादी आन्दोलन : तीनकुनेमा शंख फुकेर भिड उत्तेजित पार्ने मनोज सापकोटा पक्राउ

सुरक्षा/अपराध

नेपाल लाइभ बिहीबार, चैत २८, २०८१ १७:३०

काठमाडौं– राजावादी आन्दोलनमा प्रदर्शनकारीलाई उत्तेजित बनाउने कार्यमा संलग्न थप एकजना पक्राउ परेका छन् ।

‘वीर गोर्खाली मिडिया’ को अध्यक्ष बताउने ४६ वर्षीय मनोज सापकोटालाई काठमाडौं उपत्यका अपराध अनुसन्धान कार्यालय, टेकुको टोलीले पक्राउ गरेको हो ।

एसपी अंगुर जीसीका अनुसार चैत १५ को राजावादी प्रदर्शनलाई हिंसात्मक बनाउने सिलसिलामा मञ्चमै गएर उनले अपिल गरेका थिए । मञ्चमा उभिएर उनले ‘अगाडि बढ्नुस्, यहाँ जनताले गोली खाइसक्यो, अश्रृग्याँस खाइसक्यो…अब सडकमा जाऔं, यहाँ भाषण गर्ने होइन’ भन्दै शंख फुकेर प्रदर्शनलाई उत्तेजित बनाएका थिए ।

सिरहा मिर्चैया नगरपालिका- ६, जिवाका स्थायी बासिन्दा उनी भक्तपुरको लोकन्थलीमा बस्दै आएका थिए ।

पक्राउ परेपछि उनले प्रहरीलाई आफू पत्रकार भएको बताएका थिए । आवश्यक कानूनी कारवाहीका निम्ति उनलाई जिल्ला प्रहरी परिसर, भद्रकाली पठाइएको एसपी जिसीले बताए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गभर्नरमा भट्टको योग्यता नपुग्ने भन्दै सर्वोच्चमा रिट दर्ता

बारामा कार र टिपर ठोक्किँदा दुई जनाको मृत्यु

गभर्नर पक्का भएपछि गुणाकर भट्टले दिए कार्यकारी निर्देशकबाट राजीनामा