विद्युत् प्राधिकरणको नाफा–घाटाबारे तीनवटै पक्ष झिकाएर छलफल गर्न माओवादीको माग

राजनीति

नेपाल लाइभ बुधबार, जेठ ७, २०८२ १२:४७

काठमाडौँ–नेकपा (माओवादी केन्द्र) का सांसद माधव सापकोटाले विद्युत् प्राधिकरणको नाफा–घाटा प्रकरणबारे तीन वटै पक्ष झिकाएर छलफल गर्न माग गरेका छन्।

बुधवारको पूर्वाधार विकास समितिको बैठकमा बोल्दै उनले यस्तो माग गरेका हुन्।

उनले कुलमान घिसिङ प्राधिकरणको कार्यकारी निर्देशक हुँदा एउटा अडिट र अहिले हितेन्द्रदेव शाक्य आइसकेपछि अर्को अडिट गरिएको बताए।

उनले समिति स्पष्ट हुनका लागि विद्युत् प्राधिकरणको एमडीसहित, पूर्व एमडी र महालेखा परीक्षकलाई बोलाएर छलफल गर्न माग गरे। प्रतिपक्षले कुलमानको रक्षा गर्ने र सत्तापक्षले खेदो खन्ने कामको अन्त्य गर्न पनि छलफल गरी स्पष्ट हुन जरुरी रहेको बताए।

कुलमान दोषी भए कानुनअनुसार कारबाही गर्नुपर्ने बताए। उनले भने– ‘हिजो कुलमानजी हुँदाको अडिट सिस्टम एउटा थियो, अहिले तपाईंहरुले अर्को अडिट सिस्टमबाट लैजानुभयो। त्यही कुरा त भन्नुपर्छ नि। विद्युत् प्राधिकरणको एमडीसहित आवश्यक परे महालेखालाई समेत झिकाएर छलफल गर्नुपर्ने स्थिति देखियो मन्त्रीज्यूको कुरा अनुसार।’

सापकोटाले भने, ‘विद्युत् प्राधिकरणको बहालवाला एमडीलाई झिकाऔँ। कुलमानजीलाई झिकाऔँ। महालेखालाई ल्याऔँ। सबैभन्दा पहिलो कुरा हामी पारदर्शी ढङ्गले बुझौँ। हामी प्रतिपक्षको रक्षा गर्ने, सत्तापक्षले खेदो खन्ने कुराको बन्द गरौँ। विलम्ब नगरी सबैका कुरा सुनेर हामी निर्णय गरौँ। कुलमानजीको गल्ती रहेछ भने नेपालको कानुनले कसैलाई छोड्ने कुरा आउँदैन।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आगामी मनसुनमा सरदरभन्दा बढी वर्षा हुने प्रक्षेपण, यस्तो छ तापक्रमको आँकलन

सेनेगलले सबै विदेशी सैनिकहरुलाई हटाउँदै

पोखरा विमानस्थलबारे अनुसन्धान गर्न अख्तियारलाई लेखा समितिको निर्देशन