'गोल्डेन ब्वाई' नाटकमा नम्रता

रंगमञ्च

नेपाल लाइभ मंगलबार, भदौ १३, २०७४ २०:४६

काठमाडौं - अभिनेत्री नम्रता श्रेष्ठ पुन: रंगमञ्चमा देखिने भएकी छन् । नम्रता सन् १९३७ को चर्चित अमेरिकी नाटक 'गोल्डेन ब्वाई'को नेपाली संस्करणमा मुख्य भूमिकामा प्रस्तुत हुन लागेकी हुन् । यसअघि उनले ३ नाटकमा अभिनय गरिसकेकी छन् । मंगलवार राजधानीमा एक कार्यक्रमका सोको जानकारी दिइएको हो।

नाटक १ सेप्टेम्बर देखि १० सेप्टेम्बरसम्म त्रिपुरेश्वरको यूनाइटेड वल्र्ड ट्रेड सेन्टरमा रहेको 'कर्मा बार एन्ड लाउन्ज'मा मञ्चन हुनेछ । नाटकमा नम्रताको जोडी अमृत दाहाल हुनेछन्। अमृत नाटकमा 'जोए बोनापरते'को भूमिका हुनेछन् । नाटकको निर्देशक एवं निर्मात्री डेबोरा मेरोला हुन्।

नम्रताको प्रोडक्शन कम्पनी 'हाइली हाई इन्टरटेन्मेन्ट' र 'वान वल्र्ड थिएटर'को प्रस्तुति रहेको नाटकमा नम्रता र अमृतको साथमा राजकुमार पुडासैनी, दिव्य देव आदिको अभिनय रहनेछ । नाटकको बारेमा नम्रताले भनिन्, 'मैँले फिल्म निर्माण र अभिनयबाट केही समय ब्रेक लिएर 'गोल्डेन ब्वाई' नाटक गर्न लागेकी हुँ । नाटक गर्न पाउँदा मलाई निकै खुशी लाग्छ । मैँले वर्षमा एउटा नाटक गर्ने सोच पनि बनाइरहेको छु ।' नाटकमा उनी 'लोरना मून'को भूमिकामा हुनेछिन्।

चर्चित अमेरिकी लेखक क्लिफर्ड ओडिट्स लिखित 'गोल्डेन ब्वाई'मा १९३९ मा हलिउड फिल्म निर्माण भइसकेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सर्लाहीमा मोटरसाइकल एकआपसमा ठोकिँदा २ जनाको मृत्यु

खाल्डोमा जमेको पानीमा डुबेर दुई बालकको मृत्यु

राष्ट्र बैंकको गभर्नरमा विश्व पौडेल नियुक्त