एजेन्सी- अप्रत्याशित ढङ्गले कोरोना भाइरसको संक्रमण विश्वमा फैलँदै गएको छ। यसको नियन्त्रणका लागि विभिन्न देशले उपचार विधी पत्ता लगाउन पहल गरिरहेका छन्। मेडिकल वैज्ञानिकहरू यसको नियन्त्रणका लागि एन्टिभाइरल भ्याक्सिन उत्पादन गर्न तल्लीन छन्।
बुधबार अस्ट्रेलियाको मेरिल्यान्डस्थित एक बायो टेक कम्पनी नोभाभ्याक्सले कोरोनाविरुद्धको भ्याक्सिन मानवमा परीक्षण गर्ने बताएको छ। आगामी मे महिनाको मध्यमा अस्ट्रेलियामा उक्त भ्याक्सिनको परीक्षण हुने कम्पनीले जानकारी दिएको हो। नोभाभ्याक्स‚ कोरोना भाइरसविरुद्धको भ्याक्सिन उत्पादन गरिरहेका करीब दुई दर्जन कम्पनीहरूमध्येकै एक हो।
बुधबार नै अर्को कम्पनी मेसोब्लास्टले २ सय ४० जना संक्रमितमा क्लिनिकल ट्रायल सुरू गर्ने बताएको छ। सामान्यतया कोरोना भाइरसविरुद्धको भ्याक्सिनको उत्पादन गर्न कम्तिमा डेढ‚ दुई वर्ष लाग्छ। तर औषधी उद्योगहरू भन्ने यो अवधीलाई सकेसम्म घटाउने र दीर्घकालीनरुपमा हुने भ्याक्सिनको उत्पादन गर्नमा तल्लीन देखिन्छन्।
नोभाभ्याक्सका अनुसार उनीहरूले ल्याब र जनावरहरूमा सो भ्याक्सिनको परीक्षण गर्दा उनीहरूमा यसले एकदमै शक्तिशाली प्रतिरक्षा प्रणालीको विकास र एन्टिबडीको उत्पादन गरिरहको थियो जो कोरोना भाइरससँग लड्नका लागि सक्षम छ।
यदि यही भ्याक्सिनले राम्रोसँग काम गर्यो भने पनि यसको अन्तिम उत्पादन बजारमा आउन अझै वर्षदिन अथवा त्योभन्दा बढी लाग्न सक्ने हुन्छ। नोभाभ्याक्सका अनुसार उनीहरूले ल्याब र जनावरमा परीक्षण गरिसकेपछि अब मानवमा गर्न लागिएको हो।
बायोटेक कम्पनी मोडेर्नाले मार्च १५ मा उत्पादन गरेको भ्याक्सिन अझै क्लिनिकल ट्रायलमा छ। अर्को भ्याक्सिन इन्भोभियो फर्मास्युटिकल्सले पनि पहिलोपटक एक युवा भोलेन्टियरमाथि परीक्षण गरेको छ।
स्वास्थ्य क्षेत्रको चर्चित जोन्सोन एण्ड जोन्सोले आगामी सेप्टेम्बरसम्ममा क्लिनिकल ट्रायल गर्ने विश्वास व्यक्त गरेको छ। उक्त ट्रायलका लागि अमेरिकी स्वास्थ्य विभाग र ह्युमन सर्भिसेसले करीब ५ सय मिलियन अमेरिकी डलर सहयोग गर्ने घोषणा गरेका छन्।
ह्युस्टनस्थित युनिभर्सिटी अफ पिट्सवर्ग र बेलर कलेज अफ मेडिसिनका शोधकर्ताद्वारा विकास गरिएको भ्याक्सिन पनि अब मानिसमा परीक्षण गर्नका लागि त्यहाँको खाद्य तथा औषधि प्रशासनसँग अनुमतिको प्रतिक्षा गरिरहेको छ।
‘हामीले सकेको जति सबै कोशिस गरिरहेका छौं।’ बेलर कलेज अफ मेडिसिनको टेक्सास चिल्ड्रेन अस्पताल फर भ्याक्सिन डेभलपमेन्टका को-डाइरेक्टर डा पिटर होटेजले भने।
कोरोना भाइरसका कारण उत्पन्न हुने रोग कोभिड-१९ विरुद्धको भ्याक्सिन अहिलेसम्म विकसित हुन सकेको छैन। विभिन्न देशका वैज्ञानिक‚ डाक्टर‚ कम्पनीहरू यसको विकासका लागि विभिन्न ट्रायल गरिरहेका छन्। यसैबीचमा अमेरिकी राष्ट्रपति डोनाल्ड ट्रम्पले आवेशमा आएर कोरोना भाइरसका लागि उपयोग्य औषधि भनेर मलेरियाको औषधि सुझाएका थिए‚ जसले केही मात्रामा मात्र भए पनि कोभिड-१९ सँग लड्न सक्छ भनेर भनिएको छ।
सबै कोभिड-१९ का बिरामीहरू एकदमै गम्भीर किसिमका हुँदैनन्। कसैलाई सामान्य लक्षणको अनुभव पनि भएको हुनसक्छ। औषधि विशेषज्ञ तथा वैज्ञानिकहरूले कोरोनाबाट संक्रमित भएर गम्भीर प्रकृतिमा पुगिसकेका व्यक्तिका लागि औषधि निर्माण गर्ने गर्छन्।
यस्तो अवस्था त्यही औषधि (भ्याक्सिन) यदि कोरोनाको सामान्य लक्षण भएका मानिसलाई लगाउनाले उक्त भ्याक्सिनले उनीहरूको शरीरभित्र गएर प्रतिरक्षा प्रणालीलाई ‘ओभर-ड्राइभ’ गर्छ जसले गर्दा संक्रमितको अन्य अङ्गमा यसले असर देखाउन थाल्छ। जसले फोक्सोमा झन् असर पनि गर्न सक्छ।
यसलाई मध्यनजर गर्दै अन्य धेरै उपचारका पद्धति पनि अपनाउन आवश्यक ठानेर तिनमा पनि परीक्षण भइरहेको छ।
मेसोब्लास्टका चिफ एक्जेक्युटिभ डा सिल्भ्यु इटेस्कुका अनुसार उनीहरूले केही समयअघि विकास गरेको औषधिको बच्चाहरूमा राम्रो प्रभाव परेको थियो।
जुन औषधिले रोग प्रतिरक्षात्मक शक्ति अभिवृद्धि गराउँछ। उनीहरूद्वारा विकसित उक्त औषधी अहिले खाद्य तथा औषधी विभागले अवलोकन गरिरहेको छ।
अमेरिकाको न्युयोर्कस्थित माउन्ट सिनाइ अस्पतालका ९ कोरोना संक्रमितलाई मेसोब्लास्टको आपतकालीन कक्षमा राखेर उपचार गरिएको थियो।
जसमा ६ जनालाई भेन्टिलेटरबाट सामान्य वार्डमा सारिएको छ भने बाँकी संक्रमितको अवस्था स्थिर रहेकाले उनीहरूलाई आपतकालीन कक्षमै राखिएको डाक्टरहरूले बताए। मेसोब्लास्टद्वारा विकसित उक्त एन्टिभाइरल भ्याक्सिन आशाजनक रहेको डाक्टरहरू बताउँछन्।
एक बायोटेक कम्पनी फिजरले बिहीबार उनीहरू पनि छिट्टै एक एन्टिभाइरलको भ्याक्सिनको परीक्षण गर्न गइरहेका छन्। करीब १८ लाखको हाराहारीमा मानिसहरू कोरोना संक्रमित भएका छन्। दीर्घकालीन रुपमा भ्याक्सिन पत्ता लाग्न अझै कम्तिमा पनि केही वर्ष लाग्ने विशेषज्ञहरू बताउँछन्।
‘यदि कोरोनाविरुद्धको भ्याक्सिन पत्तामात्र लाग्यो भने पनि हामी खुलेयामरुपमा बाहिर हिँडडुल गर्न सक्छौं।’ नोभाभ्याक्सका रिसर्च एण्ड डेभलपमेन्टका प्रमुख ग्रेगोरी ग्लेन भन्छन्।
विभिन्न कम्पनीहरूले जनावरहरूमा विभिन्न परीक्षण गरिरहेका छन्। यदि परीक्षण गरिएका औषधिहरूले कोरोना निको पार्न सफल भए भने पनि धेरै जनामा गरिएको ट्रायलपछि मात्र बजारमा आउँछ। यसो हुँदा स्वभावतः धेरै समय लाग्ने नै भयो।
‘भाइरस अहिले भीडभाड भएको सहरी इलाकातिर पसेको छ। जहाँबाट सजिलै एकबाट अर्कोमा फैलन सहज हुन्छ‚’ डाक्टर होटेजले भने‚ ‘यस्तो ठाउँमा कसरी सामाजिक दूरी कायम गर्ने? यो त असम्भवप्रायः कुरा हो।’
‘हामीले कसरी देशव्यापी रुपमा यसलाई २-३ वर्षसम्मका लागि लैजाने भन्ने विषयमा रोडम्याप बनाइरहेका छौं‚’ उनले भने‚ ‘यस्तैखाले महामारी सन् १९१८ मा पनि आएको थियो। हामीले बनाउने रोडम्याप त्यहीबेलामा हामीले देखेकोजस्तो हुनेछ। सो बेलामा पनि कोभिड-१९ जस्तै संक्रमण फैलिएको थियो।’
न्युयोर्क टाइम्सबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749979333-1749983311.jpg)
-1749826086.png)
