काठमाडौं- बागमती प्रदेश सरकारले निजी कार तथा मोटरसाइकलको वार्षिक कर वृद्धि गरेको छ। साउन १ देखि कार्यान्वयनमा आएको आर्थिक ऐन २०७७ मार्फत् प्रदेश सरकारले सवारीसाधनमा लाग्दै आएको वार्षिक कर वृद्धि गरेकाे हाे।
गत वर्ष १ सय २५ सिसीसम्मका मोटरसाइकलमा २७ सय ५० रुपैयाँ रहेको वार्षिक कर यो वर्ष ५० रुपैयाँ बढाएर २८ सय रुपैयाँ बनाइएको छ। यसैगरी १२६ देखि २५० सिसीसम्मका मोटरसाइकलमा ४४ सय रुपैयाँ रहेकोमा साउन १ देखि ४५ सय रुपैयाँ पुर्याइएको छ।
आव २०७६/७७ मा मोटरसाइकलकाे कर दर। २५१ देखि ४०० सिसीसम्मका मोटरसाइकलमा ८ हजार ८ सय रुपैयाँ कर रहेकोमा बढाएर ९ हजार रुपैयाँ लाग्ने व्यवस्था गरिएको छ। त्यस्तै ४ सय १ देखि ६ सय ५० सिसीसम्मका मोटरसाइकलमा १६ हजार ५ सय रुपैयाँ रहेको वार्षिक कर ३ हजार ५ सय रुपैयाँ बढाएकाे छ।
त्यसैगरि ६ सय ५१ सिसी माथिका मोटरसाइकलमा लाग्दै आएको २५ हजार १ सय रुपैयाँ वार्षिक करमा ४ हजार ९ सय रुपैयाँ बढाएर ३० हजार कायम गरिएको छ। उक्त व्यवस्था बागमती प्रदेश सरकारले ल्याएको आर्थिक ऐन २०७७ मा उल्लेख छ।
आव २०७७/७८ मा मोटरसाइकलकाे कर दर।बागमती प्रदेश सरकारले निजी कारमा लाग्दै आएको वार्षिक कर समेत वृद्धि गरेको छ। आव २०७६/७७ मा १ हजार सिसीसम्मका कार-जिप-भ्यान र माइक्रो बसमा २० हजार ९ सय रुपैयाँ वार्षिक कर लाग्ने गरेकोमा आव २०७७/७८ मा २१ हजार रुपैयाँ लाग्ने भएको छ। त्यसैगरी १ हजार १ देखि १५ सय सिसीसम्मका निजी कारमा २३ हजार १ सय कर लाग्ने गरेकोमा अब २३ हजार ५ सय रुपैयाँ वार्षिक कर लाग्नेछ।
१५ सय १ देखि २ हजार सिसीसम्मका कारमा २५ हजार ३ सय रुपैयाँ कर लाग्दै आएकोमा साउन १ देखि २५ हजार ५ सय रुपैयाँ लाग्ने भएको छ। २००१ देखि २५०० सय सिसीसम्मका कारमा गत वर्ष ३५ हजार २ सय रुपैयाँ कर लागेकोमा चालु आवमा ३५ हजार ५ सय रुपैयाँ लाग्ने भएको छ।
आव २०७६/७७ मा कार-जिप-भ्यान र माइक्रो कर दर।त्यसैगरी २५ सय १ देखि २९ सय सिसीसम्मका कारमा ४० हजार ७ सय वार्षिक कर लाग्ने गरेकोमा चालू आवमा ४१ हजार रुपैयाँ कर कायम गरिएको छ। २९ सय १ सिसीदेखि माथिका कारमा ५८ हजार ३ सय रुपैयाँ कर लाग्दै आएकोमा चालु आवमा ५८ हजार ५ सय रुपैयाँ कर लाग्ने व्यवस्था बागमती प्रदेशले गरेको छ।
आव २०७७/७८ मा कार-जिप-भ्यान र माइक्रो कर दर।(यसअघि हेभी मोटरसाइकलको वार्षिक कर बढेको हुनुपर्नेमा अन्यथा भएकोमा सच्याइएको छ–सं.)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1745137918.png)
-1743318385.png)
