काठमाडौं- वडाभरि कोरोना फैलिसकेको अवस्था छ। वडाका शान्तिनगर, शंखमुल, पञ्चकुमारीलगायत स्थानमा ठूलो संख्यामा कोरोना देखिएको छ।
शनिबारसम्म वडाभरिका २६ जनामा कोरोना पुष्टि भएको छ। कोरोनाका कारण वडाका ९७ वर्षीय एक वृद्धको मृत्यु समेत भयो। मृतकका परिवारमा कोरोना परीक्षण गर्दा उनका छोरा र बुहारीलाई पनि कोरोना देखियो।
हालसम्म वडामा देखिएका २६ संक्रमितमध्ये अधिकांश प्रभावित जिल्लाहरुबाट आएकाहरु छन्। वडाका स्थानीय ३ जनामा कोरोना पुष्टि भएको छ। यी सबै अवस्थाको अध्ययन गर्दा हाम्रो वडामा प्रभावित जिल्लाबाट आएका व्यक्तिहरु संयमित नहुँदा कोरोना फैलिएको पाइएको छ।
अहिलेसम्म अधिकांश संक्रमितको अवस्था सामान्य छ।
४ जना कोरोना जितेर घर फर्किसक्नु भएको छ। बाँकी संक्रमित अस्पताल र होम आइसोलेसनमा हुनुहुन्छ। संक्रमितको सम्पर्कमा आएकाहरुको खोजी गर्ने तथा उनीहरुको पिसिआर परीक्षण गर्ने कामलाई हामीले तीव्र बनाएका छौं। संक्रमितको चापले उपत्यकाका अस्पताल भरिँदै गएपछि सामान्य अवस्थाका बिरामीलाई होम आइसोलेसनमा राखिएको छ।
आइसोलेसनको व्यवस्थापनबारे मेयरज्यूले पनि काठमाडौं महानगरभित्र ५ हजार बेड क्षमताको आइसोलेसन सञ्चालनमा ल्याउने घोषणा गरिसक्नु भएको छ। शायद यो छिट्टै सुरु होला।
त्यसबाहेक कारोना रोकथाम तथा नियन्त्रणका लागि हामीले वडामा सचेतनाका कार्यक्रमहरु पनि गरिरहेका छौं। अत्यावश्यक काम बाहेक घरबाहिर ननिस्कन सबैलाई आग्रह गरिरहेका छौं। तर जनता मान्नुहुन्न। हामीलाई कोरोना नै छैन, हुँदैनजस्तो गरेर हिँड्न थाल्नुभएको छ।
सडक र गल्लीतिर भिडभाड देखिन थालेको छ। खै किन हो मैले त बुझ्नै सकेको छैन। यसले गर्दा कोरोनाको जोखिम बढ्ने अवस्था सिर्जना भएको छ।
(काठमाडौं महानगरपालिका वडा नम्बर ३१ का वडाध्यक्ष भण्डारीसँग नेपाल लाइभकर्मी निर्मला घिमिरेले गरेको संवादमा आधारित)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1710220882.jpg)
-1751793737.png)
-1749826086.png)
