मुम्बई- केही दिनअघि एक भर्खर जुँगाका रेखी बसेका एक युवाले बलिउड अभिनेता सोनु सुदलाई ट्विट मेन्सन गरे। जहाँ अप्रेसन गर्न ५० हजार रुपैयाँ नभएका कारण आफ्नो बुबाको मृत्यु हुन गइरहेको भन्दै सहयोगको अपिल गरिएको थियो। सुदले बुधबार उनको ट्विटलाई रिट्विट गर्दै लेखे- भन्ठान्नुस् तपाईंको अपेक्षा पूरा भयो। चाँडै सर्जरी हुन्छ। म छु‚ तनाव लिनुपर्दैन।
उनले ट्विटमा त्यसरी जवाफ फर्काएको एक घण्टामै ती युवाले आफ्ना पिता सर्जरीका लागि अस्पताल भर्ना भइसकेको भन्दै सुदलाई धन्यवाद दिँदै लेखे, 'हामीलाई कोही सहयोग गर्दैन भन्ने लाग्थ्यो। तपाईं भगवानले हामीलाई सहयोग गर्नुभयो।'
यस्ता सहयोगका लागि उनी अचेल हरदम तयारी अवस्था छन्। ट्विटरको हेडरमा नै 'नि:शुल्क सेवा' उल्लेख गरेको तस्बिर राखेका उनले बच्चाको मुटुको अप्रेसन गर्नुपर्नेका लागि नम्बर समेत राखेका छन्।
उनको ट्विटर टाइमलाइनमात्रै स्क्रोल गर्दै जाने हो भने पनि देखिन्छ, उनी दीन-दु:खीको सहारा बन्ने कोशिसमा छन्। उनकै कारण जीवनको आशा त्यागेकाहरुले उपचार गराएर नयाँ जीवनको यात्रा तय गरेका छन्।
हृदयमा 'हिरो' भएका यी अभिनेता आमजनमाझ भने 'भिलेन'का रुपमा चर्चित छन्। उनी बलिउडमा मात्रै होइन, दक्षिण भारतदेखि पञ्जावी फिल्ममा समेत नकरात्मक भूमिकाका लागि चर्चित छन्। फिल्ममा नकारात्मक भूमिकाका लागि उनले आधा दर्जन अवार्ड पाइसकेका छन्। सन् २००९ मा 'आन्ध्र प्रदेश'मा उत्कृष्ट भिलेनका रुपमा नन्दी अवार्ड पाएका उनले त्यही भूमिकाका लागि फिल्मफेयर अवार्ड समेत हात पारे।
'दबंग'मा उनले भिलेनका रुपमा निर्वाह गरेको भूमिकाका लागि आइफा अवार्डसमेत प्राप्त गरे। यीबाहेक 'जोधा अकबर', 'सुटआउट वाड्ला', 'ह्याप्पी न्यु इअर', 'कुङ फु योगा' र 'सिम्बा' जस्ता फिल्ममा उनको भिलेन रुपको प्रशंसा भएको छ।
अभिनयमा नकारात्मक भूमिका रुचाउने उनी वास्तविक जिन्दगीमा भने निकै सहयोगी छन्। फिल्ममा अमानवीय रुपमा प्रस्तुत हुने उनी मानवीयताका लागि युएनडिपीबाट पुरस्कृत भएका छन्। उनले एसडिजी स्पेशल ह्युम्यानिटेरियन एक्सन अवार्ड प्राप्त गरेका हुन्।
साना ठूला सहयोग गर्दै आएका उनी कोरोना भाइरसको समयमा मजदूर र विद्यार्थीका दु:खमा सारथी बन्ने प्रयासमा जुटे। लकडाउनपछि सहरमा अलपत्र परेका मजदूरलाई उनीहरुको घर पठाउने बसको व्यवस्थापनमा सुद सक्रिय भए।
त्यसपछि उनी निरन्तर त्यही बाटोमा छन्। लकडाउनपछि आफूले गरेको सहयोग र भोगेका विषयलाई लिएर उनको पुस्तक आउँदैछ। पुस्तकको नाम नै 'मैं मसीहा नही' रहेको छ, जुन आगामी १५ डिसेम्बरमा सार्वजनिक हुने बताइको छ। पत्रकार मीना अय्यरले उक्त पुस्तक लेखेकी हुन्। उनले यसबार बताउँदै भनेका छन्, 'मैले त्यो समयको कुरा गरेको छु। जसले मेरो जिन्दगी बदल्यो।'
आफूले लकडाउनका समयमा सहयोग गर्दाका भोगाइलाई किताबमा प्रस्तुत हुने बताएका छन्। लाखौंलाई सहयोग गरेका कारण उनलाई मसिहाका रुपमा सहयोग पाउनेले लिएका छन्। र त्यही रुपमा उनलाई सम्बोधन गर्छन्। तर उनले किताबबारे स्पष्टीकरण दिँदै भनेका छन्, 'म आफूलाई मसिहा ठान्दिनँ। म उनीहरुको यात्राको एउटा भाग मात्रै हुँ। पछिल्लो ६ महिनामा उनीहरुका साथ जुन कनेक्सन बन्यो, त्यसले मलाई उनीहरुमध्ये एक बनायो।'
उनले यसअघि आफ्नो जन्मदिनका अवसरमा पनि बेरोजगार आप्रवासी नागरिकका लागि ३ लाख रोजगारको व्यवस्था गरिदिएका थिए। सूदले यसअघि यीलगायत कयौं सहयोगी कामहरू गरिसकेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
