काठमाडौं- चिनियाँ रक्षामन्त्री वेई फेङ्हे छोटो समयमा नेपाल भ्रमण पूरा गरी फर्किएका छन्। स्टेट काउन्सिलर एवं रक्षामन्त्री जनरल फेङ्हे औपचारिक भ्रमणका लागि काठमाडौं उत्रिनासाथ उनको व्यस्तता सुरु भइहाल्यो।
विमानस्थलमा फेङ्हेलाई स्वागत गर्न गृहमन्त्री रामबहादुर थापा बादल नै पुगेका थिए। नेपालका लागि चिनियाँ राजदूत होउ यान्छी पनि विमानस्थलमा फेङ्हेलाई स्वागत गर्न पुगेकी थिइन।
फेङ्हेले सबैभन्दा बढी समय नेपाली सेनाको जंगी अड्डामा बिताए। उनले त्यहाँ गार्ड अफ दि अनर पनि ग्रहण गरे। त्यहाँ उनले प्रधानसेनापति पूर्णचन्द्र थापासँग औपचारिक वार्ता गरे।
भेटमा दुई देशका बीच सैन्य सहयोगलगायतका विषयमा कुराकानी भएको बताइएको छ।
प्रधानसेनापतिसँगको भेटलगत्तै उनले प्रधानमन्त्री केपी शर्मा ओलीलाई बालुवाटारमा भेटे। त्यसलगत्तै उनले राष्ट्रपति विद्यादेवी भण्डारीसँग शिष्टाचार भेट गरे। यी भेटघाट सकेपछि उनी बंगलादेश प्रस्थान गरे।
चिनियाँ रक्षामन्त्रीसँग २० सदस्यीय टोली रहेकाे थियो। गत वर्ष चिनियाँ राष्ट्रपति सी चिनफिङको भ्रमणपछि चीनबाट पहिलोपटक मन्त्रीस्तरीय भ्रमण भएको हो।
२०७५ मा चीनको औपचारिक भ्रमणका क्रममा उपप्रधानमन्त्री एवं तत्कालीन रक्षामन्त्री ईश्वर पोखरेलले वेइसँग द्विपक्षीय वार्ताका क्रममा नेपाल भ्रमणको निम्तो दिएका थिए।
प्रधानमन्त्री ओलीसँग भेट गर्दै फेङ्हे।
प्रधानमन्त्री ओलीसँग भेट गर्दै फेङ्हे।
सैनिक मुख्यालयमा फेङ्हे।
सैनिक मुख्यालयमा फेङ्हे।
सैनिक मुख्यालयमा फेङ्हे।
सैनिक मुख्यालयमा फेङ्हे।
सैनिक मुख्यालयमा फेङ्हे।
नेपाली सेनाको सलामी लिँदै फेङ्हे।
नेपाली सेनाको सलामी लिँदै फेङ्हे।
विमानस्थलमा फेङ्हेलाई स्वागत गर्दै गृहमन्त्री रामबहादुर थापा।
विमानस्थलमा फेङ्हेलाई स्वागत गर्दै गृहमन्त्री रामबहादुर थापा।
विमानस्थलमा फेङ्हेलाई स्वागत गर्दै गृहमन्त्री रामबहादुर थापा।
विमानस्थलमा फेङ्हेलाई स्वागत गर्दै गृहमन्त्री रामबहादुर थापा।
सबै तस्बिर : रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
