काठमाडौं- सवारी चालक अनुमतिपत्र लागि लिखित परिक्षा पास गरेका परीक्षार्थीले साविककै अवस्थाबाट ट्रायल परीक्षा दिन पाउने भएका छन्। यसअघि लिखित परिक्षा पास गरेको ३ महिनाभित्र ट्रायल परीक्षा दिइसक्नुपर्ने व्यवस्था थियो। यातायात व्यवस्था विभागले ट्रायल परीक्षा रोकिएका सबै परीक्षार्थीले दिन पाउनेगरी समय थप गर्न लागेको हो।
हाल लिखित परीक्षा पास गरेर ट्रायल परीक्षा दिनुपर्ने र ट्रायल अनुत्तीर्ण भएका परीक्षार्थीले ९० दिनभित्र थप २ पटक ट्रायल दिन पाउने व्यवस्था थियो। अब भने सरकारले त्यसरी ट्रायल परीक्षा दिन पाउने समय बनाउन लागेको हो। कोभिड–१९ को रोकथाम तथा नियन्त्रणका लागि गरेको लकडाउनका कारण लिखित परीक्षा पास भएर ट्रायल दिन नपाएका र पहिलो पटक ट्रायलमा फेल भएका परीक्षार्थीलाई लक्षित गरी विभागले यस्तो तयारी गरेको हो।
यातायात व्यावस्था कार्यविधि निर्देशिका–२०६६ (संशोधन)मा भएको सवारी चालक अनुमति पत्र लिनको लागि लिखित परीक्षा पास भएको व्यक्तिले पहिलो पटक ट्रायल पास नभए ९० दिनभित्र थप २ पटक ट्रायल दिन पाउने व्यवस्था छ। तर लकडाउनका कारण करिब ९ महिनादेखि लाइसेन्सको ट्रायल परीक्षा दिने काम बन्द हुदाँ लकडाउनअघिका परीक्षार्थी मारमा परेका थिए। सो कानुनी अड्चन फुकाउन विभागले ९० दिनको समय सीमालाई परीक्षार्थीहरुको आवश्यकताअनुसार बढाउन लागेको हो।
विभागले कार्यविधि संशोधनका लागि भौतिक पूर्वाधार तथा यातायात व्यवस्था मन्त्रालयसँग सौद्धान्तिक सहमति मागेको जनाएको छ। ‘लाइसेन्सका लागि लिखित परीक्षा पास गरेर र एकपटक सहभागी भएर उत्तिर्ण हुन नसकेका परीक्षार्थीहरुले लकडाउनका कारण दिन नपाएको ट्रायल परीक्षा दिन पाउने गरि समय थप गर्न लागिएको हो,’ विभागका महानिर्देशक गोगनबहादुर हमालले भने, ‘परीक्षार्थीहरुको अधिकारिलाई सम्बोधन गर्न कार्यविधि संशोधनका लागि मन्त्रालयसँग सैद्धान्तिक सहमति मागेका छौं।’ मन्त्रालयले सहमति दिएपछि लकडाउनका कारण परीक्षा दिनबाट रोकिएकाहरुलाई पुनः साविककै अवस्थाबाट परीक्षा दिन पाउने व्यवस्था गर्ने उनले जानकारी दिए।
उक्त कार्यविधि निर्देशिका संशोधन भए लिखित परीक्षामा पास भएर पहिलो पल्ट ट्रायलमा फेल भएका परीक्षार्थीले थप २ पटक ट्रायलम सहभागी हुन पाउँनेगरी समय थप हुनेछ। साथै लिखित परिक्षा दिएका र ट्रायलमा सहभागी हुन नपाएका परिक्षार्थीले पनि नियमअनुसार ट्रायल दिन पाउनेगरी समय थप हुनेछ। तीन पटकसम्म पनि ट्रायल पास नभएका परीक्षार्थीले पुनः लिखित परीक्षा आवेदन भरेर पूर्ववत प्रकृयामा जानुपर्ने कानूनी व्यवस्था छ।
यसरी पहिलोपटक ट्रायल फेल भएका परीक्षार्थी सबैभन्दा बढी ५ नम्बर प्रदेशमा रहेका छन्। ५ नम्बर प्रदेशमा पुनः ट्रायल परीक्षा दिने परीक्षार्थीको संख्या करिब १८ हजार रहेका छन्। देशभर यसरी ट्रायल रोकिएका परीक्षार्थीको संख्या भने संकलनकै क्रममा रहेकाले यकीन नभएको विभागको भनाइ छ। सवारी चालक अनुमतिपत्र लिनको लागि ०७६ चत्रैदेखि हालसम्म सबै प्रक्रिया ठप्प भएकाले कानुनी जटिलता आएको हो।
हाल रोकिएको सवारी चालक अनुमतिपत्रको अनलाइन फारम प्रदेशले आवश्यकताअनुसार खुल्ला गर्ने विषयमा यातायात विभागले केही दिनअघि सूचना जारी गरेको थियो। सवारी चालक अनुमति खुल्ला गर्ने विषयमा विभागलाई बारम्बार जनगुनासो आएपछि विभागले सूचना जारी गरेको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743937872.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743930985.png)
-1743318385.png)
-1742289396-1743592964.jpg)
